Ezra 2 - Syin Chin Bible

A Ciakik Saltaangte Tepteena

¹ Saltaang tam mama te in Babylon nusia in Jerusalem le Judah ngam a khuapi tek ah ciakik uh hi. Nebuchadnezzar kumpipa in tualai ah thongtaak tu in a mat pan kipan amate a innkuan a innkuanin Babylon ngam ah saltaangin teang uh hi.

² A lampuite sia Zerubbabel, Joshua, Nehemiah, Seraiah, Reelaiah, Mordecai, Bilshan, Mispar, Bigvai, Rehum le Baanah te ahi uh hi. Hisia saltanna pan a ciakik Israel bee le phungte sung pan a bee a phung zui in mi phaza tepteena ahi hi.

^3-20 Parosh - 2,172 Shephatiah - 372 Arah - 775 Pahath Moab (Jeshua le Joab suan le paalte) - 2,812 Elam - 1,254 Zattu - 945 Zaccai - 760 Bani - 642 Bebai - 623 Azgad - 1,222 Adonikam - 666 Bigvai - 2,056 Adin - 454 Ater (Hezekiah zong kici hi) - 98 Bezai - 323 Jorah - 112 Hashum - 223 Gibbar - 95

^21-35 A taanghpupite ii teen ngeina a nuai a khuate ah a teang mite zongh cia kik uh hi: Bethlehem - 123 Netophah - 56 Anathoth - 128 Azmaveth - 42 Kiriath Jearim, Chephirah le Beeroth - 743 Ramah le Geba - 621 Michmash - 122 Bethel le Ai - 223 Nebo - 52 Magbish - 156 A dang Elam - 1,254 Harim - 320 Lod, Hadid le Ono - 725 Jericho - 345 Senaah - 3,630

^36-39 Hi sia saltaang a cia kik thiampi bee le phungte tepteena ahi hi: Jedaiah (Jeshua ii suan le paalte) - 973 Immer - 1,052 Pashhur - 1,247 Harim - 1,017

^40-42 Saltaang a ciakik Levi bee le phungte: Jeshua le Kadmiel (Hodaviah suan le paalte) - 74 Biakinn la sate (Asaph suan le paalte) - 128 Biakinn cingte (Shallum, Ater, Talmon, Akkub, Hatita le Shobai ii suan le paalte) - 139 ahi hi.

^43-54 Saltaang a cia kik biakinn naseamte ii bee le phung te: Ziha, Hasupha, Tabbaoth, Keros, Siaha, Padon, Lebanah, Hagabah, Akkub, Hagab, Shamlai, Hanan, Giddel, Gahar, Reaiah, Rezin, Nekoda, Gazzam, Uzza, Paseah, Besai, Asnah, Meunim, Nephisim Bakbuk, Hakupha, Harhur Bazluth, Mehida, Harsha, Barkos, Sisera, Temah, Neziah le Hatipha te ahi uh hi.

^55-57 Saltaang a cia kik Solomon ii naseamte ii bee le phungte in: Sotai, Hassophereth, Peruda, Jaalah, Darkon, Giddel, Shephatiah, Hattil, Pochereth Hazzebaim le Ami te ahi uh hi.

⁵⁸ Saltaang a cia kik biakinn naseamte le Solomon ii naseamte ii suan le paalte a vekpi in 392 pha uh hi.

^59-60 Tel Melah, Tel Harsha, Cherub, Addan le Immer khuate pan a cia kikte sia Delaiah, Tobiah le Nekoda te ii bee le phungte hi a, 652 pha uh hi; ahizong amate in Israel suan le paalte ahi uh hunlam lak thei ngawl uh hi.

^61-62 A nuai a thiampi bee le phungte in a pianna khang ngui a lak tepteena sia mu zo ngawl uh hi: Habaiah, Hakkoz, le Barzillai ahi hi. (Barzillai thiampi bee le phung pianna taanghpupi in Gilead ngam Barzillai bee le phung pan numei khat teenpui a, a sunghpa ii bee le phung min la hi). A taanghpupite sia a kuate ci lak thei ngawl ahikom amate sia thiampi tu in kisaang ngawl hi.

⁶³ Jew ngamukmangpa in amate tungah Urim le Thummim a zangh thei thiampi khat a om mateng in Pathian a kipia ante ne thei ngawl tu nu hi ci hi.

^64-67 Saltanna pan a cia kik theampo 42,360 Amate ii naseampa le numei - 7,337 Music thiam, pa le numei - 200 Siphu - 736 Laa - 245 Kalaoh - 435 Laano - 6720 pha uh hi.

⁶⁸ Jerusalem ah om Topa ii Biakinnpi ah saltaangte a thet uh ciang, bee le phungte lampui pawlkhat in a mun lui ma ah Biakinnpi a kisak kik natu panpui in thinzaw piakkhiatnate pia uh hi.

⁶⁹ Amate in hi nasep a sep natu in a piak zawk za tek pia in, a vekpi kingawm khamh kilogramme 500, ngunn kilogramme 2,800 le thiampite atu in puantual silh 100 ahi hi.

⁷⁰ Thiampite, Levi te, le mi pawlkhatte Jerusalem ahibuale tua khua nai ah teang uh hi. Music thiamte, biakinn cingte le biakinn naseamte sia a naina khuate ah teang uh hi; tuaciang a taanglai Israel te sia a taanghpupite teenna khuate ah teang uh hi.