1 Khangtaanghthu 27 - Syin Chin Bible

Ngalkapte le Mipite Kipawlna

¹ Hisia in, kumpi ngam atu nasepna a uk Israel innkuan lutangte le bee le phung lampuite, tuaciang kumpi ngamsung nasep a uk uliante min tepteena hi. Kumkhat sungah tha khat simin pawl tuatuam nasep kilaih a, pawlkhat ah pasal 24,000 in tua tha khat sung atu ngalkapmangpa ii khutnuai ah seam uh hi.

^2-15 A nuai a te sia tha khat sim atu ngalkapmangte veu hi a: Tha khatna ah: Zabdiel ii tapa Jashobeam (ama sia Judah nam, Perez bee le phung sung pan hi) Tha niina ah: Ahohi ii suan Dodai ( ama a dom pa sia Mikloth hi) Tha thumna ah: Thiampi Jehoiada ii tapa Benaiah hi a; ama sia “Sawmthumte” ii lampuipa hi (a tapa Amizzabad in ama za laih hi) Tha lina ah: Joab ii suapuipa Asahel (a tapa Zebadiah in ama za laih in, hi pawl sia ii ngalkapmang hi) Tha ngana ah: Izhar ii suan Shamhuth Tha lukna ah: Tekoa pan Ikkesh ii tapa Ira Tha salina ah: Pelon pan Ephraim mi Helez Tha liatna ah: Hushah pan Sibbecai (ama sia Judah nam Zerah bee le phung sung pan hi) Tha kuana ah: Benjamin namte ii ngamsung Anathoth pan Abiezer Tha sawmna ah: Netophah pan Maharai (ama sia Zerah bee le phung sung pan hi) Tha sawm le tha khatna ah: Ephraim nam ii ngamsung Pirathon pan Benaiah Tha sawm le tha niina ah: Netophah pan Heldai (ama sia Othniel ii suan hi)

Israel Namte Ki ukzia

^16-22 A nuai a te sia Israel namte a ukte ahi hi. Minam A ukpa Reuben Zichri ii tapa Eliezer Simeon Maacah ii tapa Shephatiah Levi Kemuel ii tapa Hashabiah Aaron Zadok Judah Kumpi David suapui pa khat ahi Elihu Issachar Michael ii tapa Omri Zebulun Obadiah ii tapa Ishmaiah Naphtali Azriel ii tapa Jeremoth Ephraim Azaziah ii tapa Hoshea Nitumna Manasseh Pedaiah ii tapa Joel Nisuana Manasseh Zechariah ii tapa Iddo Benjamin Abner ii tapa Jaasiel Dan Jeroham ii tapa Azarel

Minam A ukpa

²³ Topa ii Israel mite van ah aksi za in ka pungsak tu hi ci in a kamciam om hu in David kumpipa in Israel mi kum kul nuaisia te sia mi simna vawt ngawl hi.

²⁴ A nu Zeruiah ahi Joab in mi simna vawt a, ahihang man ngawl hi. Hi mi simna hu in Pathian in Israel daan pia ahikom mihing pha za tatak sia David kumpipa ii zum laibu sungah kiciamtee ngeingawl hi.

Kumpi Neisa Vanh A ukte

^25-31 A nuai a te sia kumpi neisa vanh a ukte hi a: Kumpi neisa vanh koina inndoi te : Adiel ii tapa Azmaveth Mun tuatuam vanh kholna inndoite: Uzziah ii tapa Jonathan Lo nasepte: Chelub ii tapa Ezri Sapit huante: Ramah pan Shimei Sapittui kholnate: Shepham pan Zabdi Olive le sycomore kungte (nitumna sang mualpeangte ah): Geder pan Baal Hanan Olive thau kholna: Joash Sharon zaangtam ah khuite: Sharon pan Shirtai Ngamkuamte sungah khuite: Adlai ii tapa Shaphat Kalaoh te: Ishmael mi Obil Laate: Meronoth pan Jehdeiah Tuu le kealte: Hagri mi Jaziz

David Ngaisutna A piate

³² David kumpipa ii pano Jonathan sia pilna saang nei khat hi a, ngaisutna a pia thiampa ahi hi. Ama le Hachmoni ii tapa Jehiel sia kumpipa tapate pilna sinna ah a ukte ahi hi.

³³ Ahithophel sia kumpipa tungah ngaisutna a piapa hi a, Arch mi Hushai sia kumpipa ii lawm le thudokpa hi.

³⁴ Ahithophel thi zawkciang Abiathar le Benaiah ii tapa Jehoiada te sia ngaisutna a piate suak hi. Joab sia kumpi ngalkaphonpi ukpa hi.