1 Corinth te 13 - Syin Chin Bible

Itna

¹ Mihingte ii kampaute le vantunglalangte ii kampau ngawngawn ka pau thei hial hangin, itna ka nei buale ka paute sia zam nging daak nging bang bek ahi hi.

² Pathian ii hu mop thuhil theina nei a; heakna theampo le thuku theampo telna nei a, mualte khiin zawk natu a kisamh upna teng ka nei hangin — itna ka nei buale kei sia bangma ka hi bua hi.

³ Ka neisa na theampo pia siatin, ka pumpi ngawngawn a kihallum tu dongin, ka piak hial hangin, itna ka nei buale, hite in kei atu bangma phatna hong pia bua hi.

⁴ Itna in thin uai a, dik hi; itna in ki eenna nei ngawl a, kisathei ngawl, kiphasak ngawl hi;

⁵ itna in philphit ngawl, duhop ngawl, thintom ngawl hi; itna in ngual khialnate ciamtee ngawl hi.

⁶ Itna in ngitlona thu ah lungdam ngawl hi, thumaan thutak ah lungdam hi.

⁷ Itna in thinkiam ngeingawl a; a upna, a lametna le a thinsauna bo ngeingawl hi.

⁸ Itna in a tawntungin kip hi. Kamsaannate om ahihang tawmvei atu bek ahi hi; kam tumdangte pau theina letsongte om ahihang bo tu hi; heakna letsong om ahihang bo tu hi.

⁹ Banghang ziam cile eite heakna le kamsaanna letsongte sia a cingtaak hi ngawl hi;

¹⁰ ahihang a kicing sia hong thet ciangin a cingtaak ngawl teng bo tu hi.

¹¹ Patang ka hi lai in ka pauna, ka phawna, ka khua ngaisutte in patang bang ahi hi; tu in pasal khat ka hi ciangin patang vai teng ka nusia hi.

¹² Tu in ih muna in, limlangh sungah a kimu thiang ngawl lim le meal bang ahi hi; tua hun ciangin maitang kisi in ih kimu tu hi. Tu a ka heak sia kicing tak ngawl lai hi; tua zawkciang Pathian in kei hong heakna bangma in, a kicingin ka he tu hi.

¹³ Tu laitakin a taanglai thu thum teng sia: upna, lametna le itna hi a; hi teng sung pan a lianbel sia in itna ahi hi.