Sereńko 93 - সান্তালী বাইবেল

Isor do raj kanae

¹ Probhu Isorge rapaj do; uni do ṭhonok reakʼ kicricʼe horokʼeda, uni do kajakte ḍanḍae paṭhe akatʼtaea; dhạrti do ạḍi keṭecʼte tearakana, ona do tishõ baṅ ḍikạḍakekʼa.

² Pạhil khonge amakʼ siṅghạson do teṅgo ṭarhao akana; ar am do jaejug khonge menama.

³ E Probhu Isor, ḍubạ dakʼ reakʼ do saḍe rakapʼ kana; ar ona dakʼ do hud hud saḍe kana ar ḍheoko do se rakabokʼ kana.

⁴ Ḍubạ dakʼ reakʼ saḍe khon ar jalapuri reakʼ rakabokʼkan ḍheoko khon Probhu Isor doe daṛeangea, uni do coṭre menaea.

⁵ Amakʼ sanam katha do sạri utạrgea; E Probhu Isor, amakʼ oṛakʼ do sonot reakʼ sajte jaejug sajao akana.