Sereńko 87 - সান্তালী বাইবেল

Jerusalem reakʼ sarhao

¹ Probhu Isor do sonot buruko cetanre acʼakʼ nagrahae tearjoṅa.

² Jakob bõsren eṭakʼ sanam tahen ṭhạ̃i khon uni do Sion reakʼ phaṭok duạrkogeye kusiyada.

³ E Isorakʼ nagraha, am reaṅ do ạḍi ṭhonok reakʼ katha lạiyogokʼ kana. (Sela)

⁴ Probhu Isore meneda, “Okoe sạriyakʼgeko baḍae edeńkan onko reaṅ lại jokhecʼ iń do Rahob ar Babel reakʼ kathań lạiya, ar onko Philisṭiko, Tur ar Kusrenkoakʼ katha hõń lạiya, ‘noko mimitʼko do Sionreko janam akana.’ ”

⁵ Ar Sion reakʼ do lạiyogokʼa, “Eṭakʼ eṭakʼ jạtren hoṛko do onareko janam akana; maraṅ Isor acʼtetʼge Sion doe tul rakaba.”

⁶ Probhu Isor do jạt jạtrenkoe ol caṛhaokoteye mena, “Nui do Sionregeye janam akana.” (Sela)

⁷ Ar sekʼreńko ar enejokʼko doko mena, “Ińakʼ sanam rạskạ reakʼ jharna do amrege menakʼa.”