Sereńko 82 - সান্তালী বাইবেল

Isorge napṛakʼ utạr cakʼlaoicʼ

¹ Isor do acʼakʼ bạisi talareye teṅgo akana; uni do disạm cakʼlaoko tala khon onkoe bicạretʼkoa are hukumako kana;

² “Ape do ar tinạkʼ din behokpe bicạra? Ar tinạkʼ din bedhoromko secʼpe tahena? (Sela)

³ Reṅgecʼko ar ṭũạr amarkoakʼ hok reakʼ bicạrpe, nacar ar eken ti hoṛkoakʼ hõ hok reakʼ ạidạri rukhiyạitakope,

⁴ Nandan ar reṅgecʼko bańcaokope; ar bedhoromkoakʼ ti khon rukhiyạkope.”

⁵ Disạm cakʼlaokoakʼ do bud ar ạkil bạnukʼtakoa, onko do ńutreko dãṛãnkana; ar dhạrti soṅsar reakʼ rehetʼko dalmalaoeda.

⁶ Ińiń menleda, “Ape dope Isor kana, ape do sanamkoge maraṅ Isorren hopon kanape.

⁷ Menkhan enhõ ape do manwako lekagepe gujukʼa; Eṭakʼ disạmren cakʼlaoko lekage ape hõpe maraokʼa.”

⁸ E Isor, ma beretʼme, dhạrti reakʼ bicạrme, ente sanam jạtrenkoge amakʼ ạidạrire menakʼkoa.