Sereńko 70 - সান্তালী বাইবেল

Goṛo ńam lạgitʼ koejoṅ

¹ E Isor, bańcaoińme; E Probhu, goṛowạń lạgitʼ dela usạrate hijukʼme.

² Okoe iń gojeń reakʼko kurumuṭukan onko jotoge lajao ar opomanreko paṛaokʼma; ar okoe do ińakʼ sorbonasko khojkan onko do tumbutʼkateko ruạṛ calakʼma.

³ Ar okoe iń ńelteko men, “Besge hoyakana!” Onko hõ lajaokateko ruạṛ calakʼma.

⁴ Menkhan okoe amakʼ sana lekako calakʼ onko do amrege kusi arko rạskạkʼma; ar okoe amakʼ bańcaoko dulạṛetʼ onko do jaogeko menma, “Isorakʼ sarhao hoyokʼtae ma!”

⁵ Iń do reṅgecʼ ariń nacargea; E Isor, usạrate iń ṭhen hijukʼme. Am do ińren goṛoyicʼ ar babańcaoicʼ kanam; E Probhu, alom biloma.