Sereńko 67 - সান্তালী বাইবেল

Gunmanao reakʼ sereń

¹ E Isor, dayawaleme ar bhoraleme baṛe; amakʼ daya do marsal leka alere paṛaokʼma; (Sela)

² jemon dhạrtiren sanamko amakʼ horko baḍae daṛeakʼ ar sanam jạtrenko am emakʼ bańcao ńamkate ona do kạmireko lagao daṛeakʼ.

³ E Isor, jạt jạtrenko do amko sarhaome ma; sanam jạtrenkoge onako onkaema.

⁴ Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)

⁵ E Isor, jạt jạtrenko do amko sarhaomema; sanam jạtrenkoge onako onkaema.

⁶ Ot do acʼakʼ phosole em akana; Isor, aboren Isor do, aboe bhor akawatʼbona.

⁷ Isor do abone bhor akatʼ bona; ona ńelte dhạrtiren ḍher sạṅgiń disạmren hoṛko hõ uniko botoraea.