Sereńko 54 - সান্তালী বাইবেল

Bạiriko khon rukhiyạkʼ lạgitʼ koejoṅ

¹ E Isor, amakʼ daṛete bańcaoińme; ar amakʼ maraṅ daṛete chinḍạukạtińme.

² E Isor, ińakʼ koejoṅ ańjomtińme, ar ińakʼ moca reakʼ katha luturakʼme.

³ Eṭakʼ jạtren hoṛko do iń upạrteko teṅgo akana; Sasantaoko do ińakʼ jiwi marao lạgitʼko kurumuṭu kana; noko hoṛ do Isor bako botoraea. (Sela)

⁴ Isorge iń doe goṛowạńa; ar Probhuge iń doe sapʼ dohoyińạ.

⁵ Bạiriko ińakʼ okaṭakʼko bạṛicʼetʼkan ona do onkogeye hala ruạṛakoa; E Probhu Isor, ińakʼ pạtiạrtetʼ iạte onko do marao giḍikakome.

⁶ Iń do khaṛa montegeń teṅgenama; E Probhu Isor, amiń sarhaomea, ente am dom bhagegea.

⁷ Ińakʼ sanam muhin khon unige iń doe bańcao akadińạ; iń do apnarakʼ mẽtʼte ińren bạirikoakʼ bhagaoiń ńel akadea.