Sereńko 29 - সান্তালী বাইবেল

Birbaore Probhu Isorakʼ aṛaṅ

¹ E Isorren hoponko, ape do Probhu Isorakʼ ṭhonok lại sodorpe, Probhu Isorakʼ daṛe ar ṭhonokge lại sodorpe

² Ape do Probhu Isorakʼ ṭhonok lại pasnaope; ar uniyakʼ ṭhonokte perecʼ sonot reakʼ katha disạite manot emaepe.

³ Dakʼ cetanre Probhu Isorakʼ aṛaṅ do ańjomokʼa; Ar ṭhonokren Isor doe huḍureda; ar sanam dakʼko cetanreye huḍur ocoyeda.

⁴ Probhu Isorakʼ aṛaṅ do daṛete perecʼgea, ar ṭhonokte hõ purungea.

⁵ Ona aṛaṅ do debdạru darekoe rạputʼeda; Probhu Isor do Lebanon reakʼ debdạru darekoe rạputʼ kaṭra kuṭrạyeda.

⁶ Lebanon buru do mĩhũ lekae don ocoyeda, 6 ar Sirion buru hõ bir ḍaṅgra lekageye don ocoyeda.

⁷ Probhu Isorakʼ aṛaṅ do serma reakʼ bijli leka malkaokʼ kana.

⁸ Ar ona aṛaṅte hahaṅkar do dal dalaokʼa; Probhu Isor do Kades reakʼ hahaṅkare dal dalao ocoyeda.

⁹ Probhu Isorakʼ daṛe do ela darekoe mocṛa mucṛi ocoyeda, ar birkoe khaḍea ocoyeda; uniyakʼ mundilre jotowakʼgeye meneda, “Uni doe ṭhonokgea.”

¹⁰ Probhu Isor do maraṅ ḍubạ dakʼre raj akane tahẽkana; uni do jaejugren raj kanae, uni do siṅghạsonre menaea.

¹¹ Probhu Isor do acʼren hoṛko daṛeye jogao akokana; ar suluke dan akokanteye bhorako kana.