Sereńko 23 - সান্তালী বাইবেল

Probhu Isorge aboren gukʼpiyicʼ

¹ Probhu Isor kangeae ińren gukʼpiyicʼ, iń do ohogeń ṭonṭalena.

² Uni do ạtiń ṭạnḍi reakʼ legecʼ ghãsreye aḍeńkana, ar jirạu joṅ reakʼ dakʼ ṭhene ạyuredeń kana.

³ Uni do nãwã daṛeye emạń kana; ar acʼakʼ ńutum iạte dhorom horteye sotokʼ idiyedeń kana.

⁴ Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

⁵ Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

⁶ Ińiń baḍaea ińakʼ goṭa jionge amakʼ bhageakʼ ar dulạṛ do ińkin khudạuińạ arkin soṅgeạńạ; ar iń do jaejug hạbicʼ Probhu Isorakʼ oṛakʼreń girobasokʼa.