Sereńko 19 - সান্তালী বাইবেল

Sirjonre Isorakʼ ṭhonok

¹ Sermako do Isorakʼ ṭhonokko lại sodoreda, ar serma do uniyakʼ ti reakʼ kạmikoe udukʼeda.

² Dinke din onko khon katha do oḍokʼ hijukʼ kana, ar ńindạ do akelko lại sodoreda.

³ Onate jãhãn saḍege bạnukʼa ar jãhãn roroṛteakʼ hõ bạnukʼanaṅ. Onako reakʼ aṛaṅ hõ luturte baṅ ańjomokʼ kana,

⁴ enhõ onkoakʼ hoho do goṭa dhạrtite pasnaokʼ kana; ar onkoakʼ katha do dhạrti reakʼ mucạtʼ hạbicʼ ḍamḍahekʼ kana. Sermare siń cando lạgitʼ mitʼṭecʼe tạmbu akawadea;

⁵ uni do jãwãe beṭa leka bapla oṛakʼ khone oḍokʼ hijukʼa, ar niṭ akatʼ horteye dạṛ idite enecʼkan birbão hoṛ leka ạḍiye kusikʼa;

⁶ Uni do serma reakʼ mucạtʼ khone rakabokʼa ar eṭakʼ secʼe ạcur calakʼa. Uniyakʼ dãk khon do okoe hõ bako eṛanokʼa.

⁷ Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

⁸ Probhu Isorakʼ sanam ạnko do sojhe horteye calaoeda, ar ontorre rạskại emokʼ kana. Probhu Isorakʼ hukum do niphuṭgea, ona do ontore cerṭha ocoyeda.

⁹ Probhu Isorakʼ botor do sapha utạrgea, ona do jaejug hạbicʼ tahenkana. Probhu Isorakʼ ạnko do sạrigea, onare bedhoromakʼ do cetʼge bạnukʼ anaṅ.

¹⁰ Ona do sona khon hõ, ar aema sonako khon hõ bạ̃ṛti lalocakʼ jinis leka kana. Ona do rasa khon hõ heṛemgea, ar dumur rasa khon hõ sorosgea.

¹¹ Ona do amren golame sontorede kana, ar ona manao lekhan ḍher lab hoyokʼa.

¹² Apnarakʼ bhul do okoeye bujhạu daṛeakʼa? Ińakʼ bin baḍae dosko reakʼ baṛe ikạitińme.

¹³ Baḍae tulucʼ bạḍạiteakʼ kại khon amren golam do sạńgińre dohokạńme; jemon iń cetanre ona do mạliki aloe calao daṛeakʼ. Enḍekhan iń do khạṭiń hoy daṛeakʼa, ar Isorakʼ maraṅ ghạṭko khon miridos iń tahena.

¹⁴ E Probhu Isor, ińren aotan gaṛ, ińren chakʼḍaoicʼ, ińakʼ moca reakʼ kathako ar ińakʼ ontor reakʼ hudis bundisko do am baṛeye kusi ocomema.