Sereńko 150 - সান্তালী বাইবেল

Probhu Isorakʼge Sarhao hoyokʼtae ma

¹ Probhu Isorakʼge sarhao hoyokʼtae ma. Ape do Isorakʼ sonot ṭhạ̃ire uni sarhaoepe, ar uniyakʼ daṛete benaoakʼ serma hõ uniyakʼe sarhaotae ma.

² Uniyakʼ daṛete perecʼ kạmi iạte uniyakʼ sarhao hoyokʼtaema, ar uniyakʼ bin mucạtʼ mãyã iạte uni sarhaoepe.

³ Sakwa oroṅte uni sarhaoepe, peṛesaṅ ar binạ banamkote uni sarhaoepe.

⁴ Tabla ruwate enecʼ enecʼte uni sarhaoepe, taranakʼ banam ar tạriạ oroṅate uni sarhaoepe.

⁵ Kajak saḍekan kortalte uni sarhaoepe, ar chaṅ chaṅokʼkan kortalte uni sarhaoepe.

⁶ Sahẽtʼetʼkan sanam jiwiyanko do Probhu Isorko sarhaoema. Probhu Isorakʼge sarhao hoyokʼtae ma.