Sereńko 15 - সান্তালী বাইবেল

Isor do cetʼe khojkana

¹ E Probhu Isor, amakʼ tạmbu oṛakʼre ḍerakʼ lạgitʼ lekicʼ doe okoe kana? Amakʼ sonot burure tahen lạgitʼ lekicʼ baṅe okoe kan?

² Uni kangeae lek ạnicʼ hoṛ do, okoe do bin dusạnte jione khemaoetʼtae, ar dhorom reakʼkoe kạmikan, ar ontor khon sạriyakʼ kathakoe roṛetʼkan,

³ Uni do eṭakʼko bae nisṛạukoa, acʼren gatekoakʼ hõ bae khutiytakoa, ar aḍepaseren hoṛkoakʼ bodnam hõ bae roṛa,

⁴ Uni do hirkhạ ocokʼkan hoṛko khone pharakokʼa, ar Probhu Isor botoraekan hoṛkoe manotkoa, ar jãhãnakʼ loksan hoylentaere hõ gokʼakʼe purạugea,

⁵ Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.