Sereńko 149 - সান্তালী বাইবেল

Sarhao sereń

¹ Probhu Isor sarhaoepe. Ar Probhu Isor ńutumte nãwã sereń sereńpe, Isor okoeko botorae kan onkoakʼ sabhare uniyakʼ sarhao sereńpe.

² Israel do acʼren sisirjạuicʼ iạteye rạskạkʼma, Sionren hoṛko do onkoren raj iạteko kusikʼma.

³ Onko do enecʼ enecʼte uniko sarhao sereńae ma, tabla ar banamte uniko õṛhẽyema;

⁴ Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

⁵ Noa manot ńamkate Isor botoraeko doko rạskạkʼma; onko do apan ạpin aṭetʼre rạskạteko sereńma.

⁶ Onkoakʼ mocare Isorakʼ sarhao sereń baṛe tahenma ar tire do banar secʼ dharanakʼ tarwaṛege,

⁷ jemon onko do jạtrenko cetanreko hala ruạṛ daṛeakʼ ar onko hoṛko sạjại daṛeako,

⁸ ar sikṛite onkoren rajkoko tolko, ar onkoren cetan hudạren hoṛko mẽṛhẽtʼ reakʼ biṛitekoe tol daṛeako,

⁹ ar onko upạrte bicạrre oka ray ol akan ona kạmireko lagao daṛeakʼ. Ar noako jotowakʼ do uniren sanam bhoktokoakʼ mạhima kana. Probhu Isorakʼge sarhao hoyokʼtae ma.