Sereńko 142 - সান্তালী বাইবেল

Goṛo ńam lạgitʼ koejoṅ

¹ Iń do ãṭ aṛaṅte Probhu Isoriń rakʼae kana; ińakʼ ãṭ aṛaṅte Probhu Isor ṭheniń nehõrokʼ kana.

² Ar duk reakʼ katha do uni samaṅreń phuṭạueda, ar ińakʼ kosṭo reakʼ katha hõ uni samaṅreń lạiyeda.

³ Ińre ińakʼ jiwi loraokʼkanre amge ińakʼ jion reakʼ horem baḍayetʼtińạ; ar ińakʼ calakʼ horre hoṛko do hape hapete pạsiko oḍaoeda.

⁴ Ińakʼ jojomti secʼ beṅgedme ar ńelme, ińko orom akadiń leka do celege bạnukʼkoa. Iń do dạṛ pharakokʼ lạgitʼ jaega hõ bạnukʼtińạ; ar ińakʼ jiwi lạgitʼ cintạkʼko hõ celege bạnukʼkoa.

⁵ E Probhu Isor, iń do am ṭhengeń rakʼleda; iń doń menleda, “Amge ińren hirlạ do, ar jiwetʼkoakʼ disạmre ińakʼ bakhra hõ amge.”

⁶ Ińakʼ rakʼjoṅ baṛe luturakʼtińme, ente ạḍi awaṭapareń paṛao akana; okoe ińko khudạu edeńkan onkoakʼ ti khon bańcaoińme, ente iń khon doko daṛeangea.

⁷ Hajot oṛakʼre minạń khon amge bańcaoiń me. jemon amiń sarhao daṛeam. Ar dhorom hoṛ do iń iạteko rạskạkʼa, ente am do bhạlạiytem perecʼedeńa.