Sereńko 137 - সান্তালী বাইবেল

Bondi akan Israelkoakʼ homor

¹ Babel reakʼ gaḍa aṛere duṛupʼkate tinre ale do Sion reakʼ kathale disạyetʼ tahẽkana unre ale dole rakʼetʼ tahẽkana.

² Onḍenakʼ bạisi darekore aleakʼ banamkole akakakʼ kan tahẽkana.

³ Okoe ale bondikateko idiletʼle onḍe onko do rạskạkʼ lạgitʼko metatʼlea; onko sasantaoko do ale ṭhen khon mitʼṭecʼ sereń ańjomko khojleda; onkoko menetʼ tahẽkana, “Sion reakʼ mitʼṭecʼ sereń baṛe ańjomalepe.”

⁴ Menkhan upriạ disạmre ale do cekate Probhu Isorakʼ sarhao sereńle sereńa?

⁵ E Jerusalem, amiń hiṛińlemre ińakʼ jojomti do okajakʼ alo baṛe hoyokʼtiń.

⁶ Amiń disạ doholem khan ar Jerusalem do ińakʼ joto khon rạskạ reakʼ jinis mente bạń hudis lekhan, enḍekhan alaṅ do ińakʼ tạrurege jalatʼ hapekokʼma.

⁷ E Probhu Isor, Jerusalem ḍahao maraokʼ dinre Edomrenko cetʼko cekaleda ona baṛe disạime; onkoko menleda, “Lạnduṛpe, ona reakʼ rehetʼ hạbicʼ lạnduṛpe.”

⁸ E Babelren hoponera, am dom ḍahao marao ocokʼa; am do cetʼleka ale cetanrem cekawakatʼ ar okoe amreye onkae uni doe bhạgangea!

⁹ Bhạgangeae uni do okoe amren bale gidrạko hạrkate dhirireye tawakʼko uni doe bhạgangea.