Sereńko 130 - সান্তালী বাইবেল

Goṛo ńam lạgitʼ koejoṅ

¹ E Probhu Isor, khạndriyakʼko khoniń hohowam kana;

² E Probhu Isor, ińakʼ aṛaṅ baṛe ańjomtińme; ińakʼ noa nehõr rakʼjoṅ baṛe luturakʼtińme.

³ E Probhu Isor, dhorom reakʼ hisạbem hatao khan, enḍekhan E Probhu Isor, okoeye teṅgo ṭarhao daṛeakʼa?

⁴ Menkhan am ṭhen do ikạ menakʼa, jemon hoṛko botoram.

⁵ Iń do Probhu Isor koyokʼ horre minạńa, ińakʼ ontor do uni koyokʼ horre menakʼa. Iń do uniyakʼ kathare asiń dohoakada.

⁶ Pahradarko cetʼleka aṅga marsalokʼ reakʼko koyokʼ horetʼ, hẽ, onko cetʼleka aṅga marsalokʼ lạgitʼko ńel horetʼkan, ona khon hõ ińakʼ ontor do Probhu Isor lạgitʼ koyokʼ horre menaea.

⁷ E Israel, Probhu Isorre as dohojoṅme, ente Probhu Isor ṭhen do asambheṛ dulạṛ menakʼa, ar chaḍao reakʼ hõ ḍher ektiạri menakʼtaea.

⁸ Unige Israel do acʼakʼ sanam ghạṭko khone saphayea.