Sereńko 13 - সান্তালী বাইবেল

Goṛo ńam lạgitʼ koejoṅ

¹ E Probhu Isor, ar tinạkʼ din? Am do cetʼ jaejug hạbicʼem hiṛińkạńạ? Iń ṭhen khon ar tinạkʼ din hạbicʼ amakʼ mẽtʼãhã dom ạcur dohokakʼa?

² Ar tinạkʼ din iń do monreń hudisokʼa, ar din hilokʼ ińakʼ ontor do dukte perejokʼtińạ? Ar tinạkʼ din ińren bạiri do iń cetanre jitạu akane tahena?

³ E Probhu ińren Isor, iń secʼ beṅgedme ar roṛ ruạṛạńme; ar daṛe emạńme; ar baṅkhan ińre do moron reakʼ jạpitʼge hijukʼa.

⁴ Unre ińren bạirikoko mena, “Iń do uniń bhagao akadea.” Ar nirạite bạń tahẽlen khan ińren bạiri doko hulạsokʼa.

⁵ Menkhan iń do amakʼ asambheṛ dulạṛreń bhorsa akana; ar amem bańcao edeńkante ińakʼ ontor do hulạsokʼ kantińạ.

⁶ Probhu Isorgeye bhạlại akadińạ, onate uni ńutumteń sarhao sereńa.