Sereńko 129 - সান্তালী বাইবেল

Israelren bạiriko upạrte koejoṅ

¹ Israel doe menma, “Gidrạń tahẽkan khonge hoṛko do ạḍiko santaoedeń kana.

² Ińakʼ gidrạ umer khon ạḍiko santao akadińre hõ, enhõ onko do iń cetanre bako jitạu daṛe akawada.

³ Cacasko leka onko do ińakʼ deareko cas akada. Onko do jeleńgeko nala akada;

⁴ Menkhan Probhu Isor doe dhorom bicạricʼ kana, uni do bạṛicʼkoakʼ babere getʼ topakʼakada.”

⁵ Okoe Sionko kurudakʼ kan onko doko lajao ocokʼma arko pạc ruạṛokʼma.

⁶ Onko do sạṛimre omonakan ghãs leka okaṭakʼ do ạuri hara rakabokʼrege rohoṛ kạrcubokʼ kan;

⁷ Onate irokʼicʼ do muṭ hõ baṅ perejokʼtaea, ar okoe onae ạṭiy uni do hobor hõ baṅ hoyokʼtaea.

⁸ Okoe onko hoṛ aṛeteko sen paromokʼ onko hõ bako mena, “Apere Probhu Isorakʼ bhor baṛe tahenma; Probhu Isorge apeye bhạlạiype ma.”