Sereńko 128 - সান্তালী বাইবেল

Probhu Isor bataotae reakʼ kuṛại

¹ Bhạgangeako onko do, okoe do Probhu Isorko botorae kan ar uniyakʼ horteko calakʼkan.

² Am do apnar tite khaṭaoakʼ reakʼ jogeye joma ar sukem ńama ar bhạlại hoyokʼtama.

³ Amakʼ oṛakʼ reakʼ bhitri kandhare amren bạhu do jote perecʼ darkha nạ̃ṛĩ lekae hoyokʼa; ar amakʼ jomakʼ ṭebil beṛhaete amren gidrạko do Jạitun dare reakʼ cara lekako hoyokʼa.

⁴ Sạrige, Probhu Isor okoeye botorae uni do bhore ńama.

⁵ Sion khon Probhu Isor do bhore danam ma; amakʼ jionre Jerusalem reakʼ bhạlại jemonem ńel ńam.

⁶ Am do amren goṛom gidrạko jemonem ńel tiyokʼko. Israelko cetanre suluk hijukʼma baṛe.