Sereńko 127 - সান্তালী বাইবেল

Isorakʼ bhagetetʼ sarhao

¹ Probhu Isor do oṛakʼ bae benaole khan rajmistriko do ạuṛiyakʼgeko khaṭaokokʼa; Probhu Isor do nagraha bae rukhiyạle khan enḍekhan ạuṛiyakʼge pahradarko doko horhokeda.

² Ape do ạuṛiyakʼge jomakʼ jogaṛ lạgitʼ ạḍirepe beretʼkana ar ạḍi anecʼpe giticʼkana; menkhan Probhu Isor okoeye dulạṛetʼko onko tinreko jạpitʼjoṅa unre uni do onkoakʼ jạruṛokʼkoe emako kana.

³ Gidrạ do Probhu Isor emakʼ ạidạri kanako, ar kukhiren gidrạ hõ uni emakʼ kuṛạige.

⁴ Juạn okteren hoponko do birbanṭawakʼ ti reakʼ sar lekanako.

⁵ Bhạgangeae uni hoṛ, okoe do acʼakʼ sarkote ṭhoṅgae perecʼakatʼtae; ar nagraha reakʼ phoṭok duạr ṭhen akoren bạiriko tulucʼ kathako phanḍaore onko do bako lajaokʼa.