Sereńko 126 - সান্তালী বাইবেল

Bańcaokʼ lạgitʼ koejoṅ

¹ Probhu Isor do tinre lahate leka Sione pherao ruạṛkeda, unre kukmũ ńelketʼ leka bon bujhạukeda.

² Unre aboakʼ mẽtʼãha do rạskạte perecʼena, ar alaṅ do hulạskote. Unre eṭakʼ jạtren hoṛko roṛetʼ tahẽkana, “Probhu Isorge onko lạgitʼ aema bhageakʼe kạmi akada.”

³ Probhu Isor do abo lạgitʼ bhageakʼe kạmi akada, onatebon rạskạkʼ kana.

⁴ E Probhu Isor, Negeb reakʼ dakʼ nalako leka alehõ lahate leka pheraoleme.

⁵ Mẽtʼ dakʼ joro jorote okoe do itạko eretʼkan onko hõ hulạs salakʼko ira.

⁶ Ar okoe hoṛ rakʼ rakʼte itạ erokʼe calakʼkan uni do phosol reakʼ binḍạwante hulạsate khạṭigeye ruạṛ hijukʼa.