Sereńko 125 - সান্তালী বাইবেল

Isorren hoṛko do nirạire.

¹ Probhu Isorre bhorsakʼkanko do Sion buru leka jaejug hạbicʼko ṭarhao tahena.

² Jerusalem beṛhaete cetʼleka burute esetʼ ạcurge onkage Probhu Isor do acʼren hoṛkoe esetʼ ạcur akatʼkoa, ar ńitokʼ hõe dohoyetʼkoa ar jaejug hạbicʼ hõe dohokoa.

³ Isor botorae hoṛ do bạṛicʼ kạmire ti jemon aloko lagaokʼ onate Isor emakʼ onkoakʼ disạmre bạṛicʼ hoṛ do bako raj daṛeakʼa.

⁴ E Probhu Isor, okoeko bhagege ar ontorreko khạṭige onko baṛe bhạlạiykom;

⁵ Menkhan okoe konḍea horreko tohodokʼ kan Probhu do bedhoromko sãote onkoe sạṅgińkoa. Israelko cetanre suluk baṛe tahenma!