Sereńko 124 - সান্তালী বাইবেল

Isor do acʼren hoṛkoren rurukhiyạicʼ

¹ Israelkoko menma, “Probhu Isor ale secʼ bae tahẽlen khan,

² hoṛko ale upạrte tinreko teṅgolena, unre Probhu Isor ale secʼ bae tahẽlen khan,

³ onko do ale upạrteko edre seṅgelkokʼa ar jiwetʼteko utʼkelea,

⁴ ar ḍubạ dakʼ hõ aleye unum cabakelea, ar ạtukʼ dakʼ hõ ale cetante ạtukokʼa,

⁵ ar se rakabokʼ dakʼko hõ ale cetante paromkokʼa.”

⁶ Bhạgangeae Probhu Isor do! Uni do bạirikoakʼ ḍaṭate bae cirạ ocoakatʼ bona.

⁷ Aboakʼ jiwi do cẽṛe leka paskaoena jhạkʼlikoakʼ pạsi khon; pạsi topakʼena ar abo do rukhiyạ bon ńamkeda.

⁸ Probhu Isor, okoe do ot ar sermae sirjạu akatʼ uni ṭhen khonge aboakʼ goṛo do hijukʼa.