Sereńko 122 - সান্তালী বাইবেল

Jerusalem reakʼ oṛhẽ

¹ Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

² E Jerusalem, ale do amakʼ phaṭok duạr ṭhen senkatele teṅgoyena.

³ Ona Jerusalem do mitʼṭecʼ mońj nagraha leka benao rakapʼ hoyakana, onare jãhãn dhaṅdhaserge bạnukʼa.

⁴ Sanam gusṭirenko do onḍegeko rakapʼa, Probhu Isorren hoṛkoakʼ sanam gusṭirenkoge; Israele em akawade hukum leka onko do Probhu Isor sarhaoe lạgitʼko rakapʼa.

⁵ Bicạr reakʼ siṅghạson do onḍege menakʼa, Dạud gharońjren hoṛkoakʼ siṅghạsonge.

⁶ Ape do Jerusalem reakʼ suluk lạgitʼ koejoṅpe, “Ar okoe Jerusalemko kusiyakʼ onko do bhạlại hoyokʼtakoma.”

⁷ Ona beṛhaeteakʼ pạcrikore suluk tahenma, ar ona reakʼ raj dolanre hõ bhạlại tahen ma.”

⁸ Ińren boeha ar gatekoakʼ bhạlại lạgitʼge iń doń mena, Jerusalemre suluk tahen ma.”

⁹ Aboren Probhu Isorakʼ oṛakʼ do onḍe menakʼte iń do Jerusalem reakʼ bhạlại lạgitʼ iń kurumuṭuiya.