Sereńko 121 - সান্তালী বাইবেল

Coṭte rakabokʼ reakʼ sereń.

¹ Iń do buruko secʼ iń beṅgetʼ rakapʼeda; oka khon ińakʼ goṛo do hijukʼa?

² Ot ar sermaren sisirjạuicʼ Probhu Isor khonge ińakʼ goṛo do hijukʼa.

³ Uni do amakʼ jaṅga bae leńjetʼ ocoytama; amren horhoyicʼ do baṅ dudṛumea.

⁴ Okoe Israelkoe horhoyetʼko uni do bae dudṛuma, ar jạpitʼ hõ bae jạpida.

⁵ Probhu Isorge amren rurukhiyạyicʼ; Probhu Isorge amakʼ jojom ti secʼ reakʼ umul do.

⁶ Sińre do siń cando ar ńindạ do ńindạ cando unkin do jãhãnakʼ bạkin hạnmea.

⁷ Joto lekan bạṛicʼakʼ khon Probhu Isorge ame rukhyiạmea; ar unige amakʼ jiwiye horhoytama.

⁸ Probhu Isor do din hilokʼe horho jaṅgemea, ńit khon jaejug hạbicʼge.