Sereńko 120 - সান্তালী বাইবেল

Goṛo ńam lạgitʼ sereń

¹ Ińakʼ muhinre iń do Probhu Isoriń hohoadea, uni doe roṛ ruạṛạdińa.

² E Probhu Isor, eṛe luṭi ar phạsiạra alaṅ khon rukhiyạyińme baṛe.

³ E phạsiạra alaṅ, uni do cetʼe emama? Uni do cetʼ arhõ sạjại bae emama?

⁴ Uni do birbanṭawakʼ laser sarko ar Rothem jhạuạ reakʼ aṅgra seṅgelkoe emama.

⁵ Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

⁶ Okoe sulukko kurudakʼkan onkan hoṛko tulucʼ do ar bạń berelokʼa.

⁷ Iń do sulukiń dulạṛeda, menkhan tinre suluk reakʼ kathań roṛeda unre onko do lạṛhạiko khojkana.