Sereńko 114 - সান্তালী বাইবেল

Bańcao porob reakʼ sereń

¹ Israel jạtrenko tinre Misor khonko oḍok hecʼena, ar eṭakʼ pạrsite katha roroṛ hoṛko tala khon Jakob bõsrenko do tinreko oḍok hecʼena,

² unre Jihudạ do Isorakʼ sonot ṭhạ̃i hoyena, ar Israel do ona reakʼ rajosṭige.

³ Onko ńelte arakʼ doreão do ńir pharakena, ar jordan gaḍa do cetan secʼ ạtukʼ ehopʼena,

⁴ Ar usul buruko do bhiḍi leka, ar huḍiń buruko do bhiḍi hoponko leka don baṛae ehopʼena.

⁵ E doreão, amakʼ do cetʼ hoyena? Cedakʼ am dom dạṛkeda? E Jordan, dakʼ ạtukʼ do cedakʼem pạc ruạṛ ocokeda?

⁶ E usul buruko, cedakʼ ape do bhiḍiko leka don baṛaepe ehopʼena? E huḍiń buruko, ape hõ cedakʼ bhiḍi hoponko lekape don baṛae kana.

⁷ E dhạrti, Probhu Isor samaṅre, Jakobren Isor samaṅre thartharaokʼme.

⁸ One uni cạṭạni do jolateye pheraoetʼ, ar keṭecʼ dhiri do dakʼ reakʼ jharnageye hoyocoyetʼ.