Sereńko 111 - সান্তালী বাইবেল

Probhu Isor sarhaoe reaṅ

¹ Probhu Isorakʼge sarhao hoyokʼtae ma. Iń do ińakʼ goṭa jiwite gun maniń joharae kana, gun manao johariń emaea Isor botoraekanko talare, gun manao johariń emaea jarwa akan hoṛko talare.

² Probhu Isorakʼ sanam kạmiko do bhagegea; okoe onateko rạskạkʼkan onko do onako reaṅgeko ganḍonokʼ kana.

³ Uniyakʼ kạmi do gun manao ar ṭhonokte perecʼgea, uniyakʼ dhorom do jaejug hạbicʼ tahẽnkana.

⁴ Uni do acʼakʼ hahaṛa kạmikoe disạ ocokeda; uni do daya ar mãyãteye perecʼgea.

⁵ Acʼ botoraekanko do jomakʼe jogaoako kana; ar acʼe dohoakatʼ bondobos do tisge bae hiṛińa.

⁶ Eṭakʼ jạtrenkoakʼ disạm do ạidạri lekate acʼren hoṛko acʼakʼ kạmi reakʼ daṛeye udukʼatʼkoa.

⁷ Uniyakʼ sanam kạmire uni do pạtiạr ar dhoromteye perecʼgea; uniyakʼ sanam ạnko do pạtiạrgea.

⁸ Ona ạnko do jaejug hạbicʼ tahena; ona do pạtiạrgea ar dhoromte benao akana.

⁹ Acʼren hoṛko lạgitʼ uni do chakʼḍaoko reakʼ bondobose dohoakada; uni do hukumte jaejug hạbicʼ acʼakʼ bondobose dohoakada. Uni doe sonotgea; uni do botor ar bhoktiye janam ocoyeda.

¹⁰ Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.