Sereńko 11 - সান্তালী বাইবেল

Probhu Isorre bhorsa tahen

¹ Iń do Probhu Isorrege asrayiń hatao akada. Cedakʼpe meneda, “Cẽṛẽ leka uḍạukʼte apeakʼ burute dạṛjoṅpe?”

² Cedakʼpe meneda, “Ontorre okoeko khạṭige ńut khon onko tuńko lạgitʼ bedhorom hoṛko do akoakʼ akʼko gakʼ akatʼtakoa ar onare sarko lagao ṭhik akada?”

³ Cedakʼpe meneda, “Dhạrti gharońj reakʼ sanam kham khunṭiko rạputʼ giḍi lekhan enḍekhan Isor botoraeko do cekae reakʼ jãhãnakʼ bạnukʼtakoa?”

⁴ Menkhan Probhu Isor do sermare acʼakʼ sonot mundilre menaea; uniyakʼ siṅghạson do onḍege menakʼtaea. Uni do manwakoe tạṅkhiyetʼkoa; ar uniyakʼ mẽtʼ do onkoe baḍae aṭkaretʼkoa.

⁵ Probhu Isor do acʼ botoraekan koe biḍạu aṭkaretʼkoa, menkhan okoe bedhorom ar jor julumgeko dulạṛetʼ onko do bae moneyako kana.

⁶ Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

⁷ Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.