Sereńko 100 - সান্তালী বাইবেল

Sarhao sereń

¹ E dhạrtiren sanam hoṛ, ape do Probhu Isor oṛhẽ sereńaepe.

² Ar rạskạte Probhu Isor sewawaepe; ar rạskạ sarhao sereńte uni samaṅre hạjirokʼpe.

³ Ape do baḍaekakʼpe Probhugeye Isor kana mente. Unige abo doe benao akatʼbona, ar abo do uniren kanabon; abo do uniren kangeabon, ar uniyakʼ gukʼpi ṭạnḍiren bhiḍi kanabon.

⁴ Uni sarhao sereńaete uniyakʼ duạrte bolokʼpe, ar uni gun manao joharae tulucʼ uniyakʼ racate bolokʼpe; uni sarhaoepe, ar gun manao joharaepe.

⁵ Probhu Isor doe bhạlạiyicʼkana, uniyakʼ dulạṛ do jaejug hạbicʼ tahenkana; ar uniyakʼ pạtiạr do piṛhi cetan piṛhige.