Nehemiạ 7 - সান্তালী বাইবেল

¹ Pạcri benao sạten khan iń do silpińkoń sińkada. Ona tayom do duạr rurukhiyạko, sekʼreń dolko ar Liwikoń bahalketʼkoa.

² Ińren boeha Hanani ar gaṛren mukhiyạ Hananiạ tekin do Jerusalem reakʼ bhariń ematʼkinạ, ente Hananiạ do dhorom hoṛe tahẽkana ar ḍherko khon pạtiạr ar Isor botorae hoṛe tahẽkana.

³ Iń do unkin iń metatʼkinạ, “Setoṅ ạuri sạrdikʼ hạbicʼ Jerusalem reakʼ silpińko jemon alo jhijokʼ. Rurukhiyạko calakʼ lahare jemon duạrko sińkakʼ ar huṛkạṛko lagaokakʼ. Jerusalemren hoṛko mod khon jemon pahradarko bahal ocokʼ. Onkoren adomko do pahara jaegare ar adomko do apan ạpin oṛakʼ sorreko tahenma.”

Bondi dosa khon ruạṛ hecʼenko reakʼ tạlika

⁴ Nonkage bebosta hoyena, ente Jerusalem nagraha do ạḍi maraṅ ar ḍher jaegakowante tahẽkana, menkhan hoṛko do thoṛageko tahẽkana ar oṛakʼ-duạrko hõ unhạbicʼ do baṅ benao akan tahẽkana.

⁵ Isor do ińakʼ monreye hudis ocokedińạ jemon manotan hoṛko, mukhiyạko ar disạm hoṛkoń jarwa mitʼ ocokote onko do bõs tạlikareń caṛhao daṛeako. Okoe do pạhilreko ruạṛ hecʼlen onko hoṛkoakʼ bõs tạlika doń ńamkeda. Onare oka ol tahẽkan ona do nonka leka:

⁶ Babelren raj Nebukadnesar do okoe Israelkoe bondi idiletʼko onko modre ḍherkoge bondi dosa khon Jerusalem ar Jihudạte apan ạpin ato ar nagrahateko ruạṛ hecʼlena.

⁷ Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Israelkoren okoeko herel hoponko ruạṛ hecʼlen onkoakʼ lekha do nonka leka tahẽkana:

⁸ Paros bõsren hoṛko do bar hajar mitʼsae eaegel bar hoṛ;

⁹ Sephatiạren pe sae eaegel bar hoṛ;

¹⁰ Araren do turui sae mõṛẽgel bar hoṛ;

¹¹ Pahat-Moabakʼ bõsren Jesuạ ar Joabakʼ bõsren hoṛko do bar hajar irạl sae gel irạl hoṛ.

¹² Elamren mitʼ hajar barsae mõṛẽgel pon hoṛ;

^13-15 Saturen do irạl sae pongel mõṛẽ hoṛ: Sakhaeren do eae sae turuigel hoṛ; Binuiren turui sae pongel irạl hoṛ;

¹⁶ Bebairen do turui sae bargel irạl hoṛ;

¹⁷ Asgadren do bar hajar pesae bargel bar hoṛ;

¹⁸ Adonikamren do turui sae turuigel eae hoṛ;

¹⁹ Bigwairen do bar hajar turuigel eae hoṛ;

²⁰ Adiniren do turui sae mõṛẽgel mõṛẽ hoṛ;

²¹ Jeheskiạ bõsren do Aterren hoponko aregel irạl hoṛ.

²² Hasumren do pesae bargel irạl hoṛ;

²³ Besairen do pesae bargel pon hoṛ;

²⁴ Haripharen do mitʼsae gelbar hoṛ;

²⁵ Gibeonrenko do aregel mõṛẽ hoṛ;

²⁶ Bethlehem ar Netopha atoren do mitʼsae irạlgel irạl hoṛ;

²⁷ Anathotren mitʼsae bargel irạl hoṛ;

²⁸ Beth-asmawetren do pongel bar hoṛ;

²⁹ Kiriath-Jearim, Kephira ar Beyerothren do eae sae pongel pe hoṛ;

³⁰ Rama ar Gebaren do turui sae bargel mitʼ hoṛ;

³¹ Mikmasren mitʼsae bargel bar hoṛ;

³² Bethel ar Airen mitʼsae bargel pe hoṛ;

³³ dosaricʼ Neboren do mõṛẽgel bar hoṛ;

³⁴ dosaricʼ Elamren do mitʼ hajar barsae mõṛẽgel pon hoṛ;

³⁵ Harimren do pesae bargel hoṛ;

³⁶ Jerikhoren do pesae pongel mõṛẽ hoṛ;

³⁷ Lod, Hadid, ar Ononren do eae sae bargel mitʼ hoṛ;

³⁸ Senaeren do pe hajar are sae pegel hoṛ;

³⁹ Naekekoakʼ lekha do nonka: Jesua bõsko modre Jedaya bõsren do aresae eaegel pe hoṛ:

⁴⁰ Imerren do mitʼ hajar mõṛẽgel bar hoṛ;

⁴¹ Pasurren do mitʼ hajar barsae pongel eae hoṛ;

⁴² Harimren mitʼ hajar gel eae hoṛ;

⁴³ Liwikoakʼ lekha do nonka: Jesua bõsren Kadmiyel ar Hodawi bõsren eaegel pon hoṛ;

⁴⁴ Sekʼreńkoakʼ lekha do nonka: Asaph hoponko do mitʼsae pongel irạl hoṛ;

⁴⁵ Koejoṅ oṛakʼren rurukhiyạkoakʼ lekha do jotote mitʼsae pegel irạl hoṛ. Noko doko hoyokʼkana Salum, Aṭer, Ṭalmon, Akub, Haṭita ar Sobai bõsren hoṛko.

⁴⁶ Mundil oṛakʼren sapʼsosorko doko hoyokʼkana: Sipha, Hasupha ar Tabotren hoponko;

⁴⁷ Keros, Siah ar Padonren hoponko;

⁴⁸ Lebana, Hagab ar Salmai bõsrenko;

⁴⁹ Hanon, Gidel ar Gehar bõsrenko;

⁵⁰ Reaya, Resin ar Nekoda bõsrenko;

⁵¹ Gasam, Us, Paseya;

⁵² ar Besairen hoponko, Meyunim ar Nephismren hoponko;

⁵³ Bakbuk, Hakupha ar Harhuren hoponko;

⁵⁴ Baslut, Mehida ar Harsaren hoponko;

⁵⁵ Barkos, Sisera ar Temaren hoponko;

⁵⁶ Nesia ar Hatipharen hoponko!

⁵⁷ Solomonren gutikoakʼ bõsrenko doko hoyokʼkana: Sotai, Sopheret, Peruda,

⁵⁸ Jakʼala, Darkon, Gidel,

⁵⁹ Sephaṭia, Hatil, Pokeret-hasebayim ar Amon bõsrenko.

⁶⁰ Mundilren sapʼdapʼko ar Solomonren gutikoren hoponko jotote pesae aregel bar hoṛ;

⁶¹ Tel-melah, Tel-harsa, Kerub, Adan ar Emer khon okoeko rakapʼ hecʼlen onko do Israel mente apnarte bako porman daṛeada. Onko doko hoyokʼkana:

⁶² Delay, Ṭobiạ, ar Nekoda bõsren turui sae pongel bar hoṛ.

^63-64 Naekeko mod khon Hobai, Hakos ar Barsilai bõsko do bõs talikare akoakʼ bõsko khojleda menkhan bako ńamletʼkote bhonḍ menkate naeke hudạ khonko chaṭao ocoyena. Barsilai do ona ńutumgeko hohowaekan tahẽkana, ente uni do Gileadiạ Barsilairen mitʼṭen hoponerae baplaledea.

⁶⁵ Disạm cakʼlaoyicʼ do onkoe hukumatʼkoa tinạkʼ din Urim ar Thumim ạidạriyicʼ naeke ạuriye ńamokʼ unạkʼ din hạbicʼ onko do sonot utạrakʼ jomakʼ aloko jomma.

⁶⁶ Bondi dosa khon ruạṛ hecʼen goṭa manḍerren hoṛkoakʼ lekha do pongel bar hajar pesae turuigel tahẽkana.

⁶⁷ Ona chaḍa eae hajar pesae pegel eae guti-kạ̃ṛmĩko ar barsae pongel mõṛẽ hoṛ do sekʼreń dolrenko tahẽkana.

^68-69 Onkoren do eae sae pegel turui sadomko, barsae pongel mõṛẽ khaccorko, ponsae pegel mõṛẽ ũṭko ar turui hajar eae sae bargel gadhako tahẽkana.

⁷⁰ Bõsren mathako modre adomko do mundil reakʼ kạmi lạgitʼko dankeda. Disạm cakʼlaoyicʼ do khajańci oṛakʼre lạgitʼ turui keji sona, mõṛẽgel goṭecʼ bạṭiko ar naekeko lạgitʼ do mõṛẽsae pegel kicricʼkoe dankeda.

⁷¹ Bõsren mathako modre adomko do niạ kạmi lạgitʼ mitʼsae pegel keji sona ar mitʼ hajar ponsae pegel keji rupạ khajańci oṛakʼreko dankeda.

⁷² Ar sarecʼ hoṛko do jotote mitʼsae pegel keji sona, mitʼ hajar pesae keji rupạ ar naekeko lạgitʼ do turuigel eae goṭecʼ kicricʼko emena.

⁷³ Naekeko, Liwiko, rurukhiyạko, sekʼreń dolko, mundil oṛakʼren sapʼdapʼko ar eṭakʼ hoṛko, metakʼme sanam Israelko do eaeakʼ cando ạurirege apan ạpin ato ar nagrahare girobasokʼko ehopʼena.