Jobakʼ 25 - সান্তালী বাইবেল

Bildadakʼ tesar galmarao

¹ Unre Suhi Bildad do roṛ ruạṛketʼteye menkeda,

² “Rajosṭi do Isorakʼ kangea, Mạliki ar toras hõ uniyakʼge; Uni do coṭ sermare acʼakʼ suluke hoeocoyeda.

³ Uniren lạṛhại phạd do cetʼko lekha daṛekokʼa? Uniyakʼ marsal do okoe cetanre baṅ rakapʼ akana?

⁴ Enḍekhan Isor ṭhen manwa do cetʼ miridos bae hoyokʼa? Maejiuakʼ kukhi khon okoeye janam akan uni do cetʼ sapha bae hoedaṛekokʼa?

⁵ Isorakʼ mẽtʼre ńindạ cando ḍig ḍig bae jolokʼ khan ar ipilko hõ uni samaṅre bako sapha khan,

⁶ enḍekhan manwa do cekate sapha doe hoedaṛekokʼa? Uni do mitʼṭen tejo lekanicʼ kanae; manwa hopon do lenḍetʼ chaḍa ar cele hõe baṅkana.”