Jirimiạ 45 - সান্তালী বাইবেল

Baruk lạgitʼ Probhu Isorakʼ katha

¹ Josiạ hopon Jihudạren raj Jehoyakimakʼ rajokʼ ponakʼ bochorre Jirimiạ ṭhen khon ańjomkate Neriạren hopon Baruk do guṛhạ akatʼ puthire onae ol caṛhaoletʼ tahẽkana.

² Ona jokhecʼ Jirimiạ do uniye metadea, “E Baruk, Israelren Probhu Isor doe meneda,

³ amem menakada, ‘hae! Probhu Isor ińakʼ duk cetanre arhõ hirdạnim emạń kana; iń do hae haeteń laṅga cabayena, jirạuge bạń ńameda.’

⁴ “Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

⁵ Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”