Jesaea 4 - সান্তালী বাইবেল

¹ Enhilokʼ eae goṭen maejiu do mitʼṭen herel hoṛ sapʼkateko metaea, “Aleakʼ jom-ńũ ar horokʼ bande reakʼ do aletegele bebosta joṅa; eken amren bạhu mentele tahen reakʼ ạidạri baṛe emaleme. Aleakʼ henosta baṛe sạṅgińtaleme.”

Probhu Isorakʼ kahle

² Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

³ Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

⁴ Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

⁵ Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

⁶ Noa do setoṅ khon umul ńam reakʼ mitʼṭecʼ chạuni ar hoe ar dakʼ khon rukhiyạ ńam lạgitʼ mitʼṭecʼ asray ṭhạ̃ige hoyokʼa.