Genesis 36 - সান্তালী বাইবেল

Esauakʼ bõsbudạko

¹ Noa do hoyokʼkana Esau, metakʼme Edomren bõsko reakʼ katha.

² Esau do Kananren kuṛiye baplaletʼkoa. Onko kuṛi doko hoyokʼkana Hitti hoṛ Elonren hoponera Ada ar Hibio Sibeonren goṛomtetʼ kuṛi, metakʼme Anaren hoponera Oholibama.

³ Ona chaḍa Ismaelren kuṛi, metakʼme Nebaiotren misera Basmathõe baplaledea.

⁴ Noko modre Adawakʼ kukhire do Eliphas ar Basmatakʼ kukhire do Reule janamena;

⁵ Ar Oholibamawakʼ kukhire do Jeus, Jalam ar Korah tekoko janamlena. Esaoren nokoko hoponge Kanan disạmreko janamena.

⁶ Tayomte Esau do acʼren bạhuko, gidrạko ar oṛakʼren eṭakʼ sanamko, ḍaṅgrako, bhiḍiko ar eṭakʼ janwarko tinạkʼ do Kanan disạmreye hameṭan tahẽkan ona sanam dhon-duribko hataokate acʼren boeha Jakob khon sạṅgiń mitʼṭecʼ disạmteye calaoena.

⁷ Esau ar Jakobren mĩhũ-merom palko do nunạkʼ ḍherko tahẽkana, unkin lạgitʼ mitʼ ṭhen girobasokʼ do muskilge tahẽkana; ar okarekin tahẽkan onḍe unkinren pal janwarko mitʼ ṭhen ạtińko leka jaega hõ baṅ tahẽkana.

⁸ Ona iạte Esau do Seyir reakʼ buru ṭoṭha secʼ senkateye girobasena. Esauakʼ eṭakʼ ńutum do Edom hõ tahẽkana.

⁹ Noa do Seyir buru ṭoṭharen Edomkoren hapṛam Esauakʼ bõs reakʼ katha kana.

¹⁰ Esaoren hoponkoakʼ ńutum do hoyokʼkana Eliphas Reuel. Eliphas do Adaren hopon ar Reuel do Basmatren hopone tahẽkana.

¹¹ Eliphasren hoponko doko hoyokʼkana, Teman, Omar, Sephi, Gatam ar Kenas.

¹² Esauren hopon Eliphasren do Timna ńutuman chuṭki erae tahẽkana. Ar Amalek do uniyakʼ kukhireye janamlena. Noko sanamkoge Esauren bạhu Adaren goṛom gidrạ kanako.

¹³ Reuelren hopon doko hoyokʼkana, Nahat, Serah, Sama ar Misa. Noko do Esauren bạhu Basmatren goṛom gidrạko kanako.

¹⁴ Sibeonren goṛomtetʼ kuṛi, metakʼme Anaren hoponera Oholibamaren hopon doko hoyokʼkana Jeus, Jalam ar Korah.

¹⁵ Esauren hoponko modre adom hoṛ do sordarko hoylena. Esauren maraṅicʼ hopon Eliphasren okoeko hopon do sordarko tahẽkan onko doko hoyokʼ kana, Teman, Omar, Sepho, Kenas,

¹⁶ Korah, Gatam ar Amalek. Edomre noko do Adaren hopon Eliphasren bõsko tahẽkana.

¹⁷ Reuelren hopon okoe do sordarko hoylen onko doko hoyokʼ kana Nahat, Serah, Sama ar Misa. Noko do Esauren bạhu Basmatren hopon Reuelren bõsko tahẽkana. Edom disạmre nokogeko janamlena.

¹⁸ Esauren bạhu Oholibaren okoeko hopon do gusṭikoren sordarko tahẽkan onko doko hoyokʼkana Jeus, Jalam ar Korah. Noko do Anaren hoponera Oholibaren hoponko tahẽkana.

¹⁹ Noko do Esauren, metakʼme Edomren bõs ar eṭakʼ eṭakʼ gusṭiren sordarko tahẽkana.

Seyirakʼ bõsbudạ

^20-21 Hori Seyirren hoponkoakʼ ńutum do hoyokʼkana Lotan, Sobal, Sibeon, Ana, Dison, Eser ar Disan. Noko do Edom disạmre girobas akanko tahẽkana. Ar Edom disạmre Seyirren noko hopon do Hori gusṭiren sordarko tahẽkana.

²² Lotanren hoponkinakʼ ńutum do Hori ar Hemam. Lotanren miseratakʼ ńutum do Timna tahẽkana.

²³ Sobalren hoponkoakʼ ńutum do hoyokʼ kana, Manahat, Ebal, Sepho ar Onam.

²⁴ Sibeonren hoponkinakʼ ńutum do Aia ar Ana. Nui Anage acʼren apat Sibeonren gadha ạtińe senlenre hahaṅkarre lolo bhumbuke ńamleda.

²⁵ Anaren hoponakʼ ńutum do hoyokʼ kana Dison ar hoponeratakʼ ńutum do Oholibama.

²⁶ Disonren hoponkoakʼ ńutum do Hamran, Esban, Ithran ar Keran.

²⁷ Eserren hoponkoakʼ ńutum do hoyokʼ kana Bilhan, Sawan ar Jakan.

²⁸ Ar Disonren hoponkin do Us ar Aran.

²⁹ Hori sordarkoakʼ ńutum do tahẽkana Lotan, Sobal, Sibeon, Ana,

³⁰ Dison, Eser ar Disan. Noko do Seyir, metakʼme Edom disạmre Hori jạtkoren eṭakʼ eṭakʼ gusṭiren sordarko tahẽkana.

Edom disạmren Rapajko

³¹ Israelko talare raj ạuriko hoyokʼre Edom disạmre okoe do rajokʼko ehopʼlen onkoakʼ ńutum do hoyokʼkana:

³² Beorren hopon Bela do Edomren raje hoylena; uniyakʼ raj nagraha reakʼ ńutum do Dinhaba tahẽkana.

³³ Bela gocʼ tayom Bosra nagraharen Serahren hopon Jobab do raje hoyena.

³⁴ Ar Joabakʼ gujukʼ tayom uniyakʼ jaegare Temanikoakʼ disạmren Husam do raje hoyena.

³⁵ Husamakʼ gujukʼ tayom Bedadren hopon Hadad do uniyakʼ jaegare raje hoylena. Uni do Moab disạmren Midiạnrenkoe bhagaoketʼkoa. Ar uniyakʼ raj nagraha reakʼ ńutum do Awit tahẽkana.

³⁶ Hadatakʼ gujukʼ tayom Masreka nagraharen Samla do raje hoyena.

³⁷ Samla gujukʼ tayom uni bodolte Rehobot nagraharen Sạul do raje hoyena.

³⁸ Sạulakʼ gujukʼ tayom uniyakʼ jaegare do Akborren hopon Balhana raje hoyena.

³⁹ Akborren hopon Balhanawakʼ gujukʼ tayom Hadad do uniyakʼ jaegare raje hoyena. Ar uniyakʼ raj nagraha reakʼ ńutum do Pau tahẽkana, ar uniren bạhuttetʼakʼ ńutum do Mehetabel tahẽkana, Uni do Matredren hoponera ar Mesahabren goṛomtetʼ kuṛiye tahẽkana.

⁴⁰ Esauakʼ okako bõsren hoṛkoakʼ eṭakʼ eṭakʼ gusṭi ar ṭoṭharen sordarko tahẽkan onkoakʼ ńutum do hoyokʼ kana Timna, Alwa, Jethet,

⁴¹ Oholibama, Ela, Pinon,

⁴² Kenas, Teman, Mibsar,

⁴³ Magdiel ar Iram; Noko doko tahẽkana Edomren hapṛam Esau bõsren hoṛko ar Edomren sordarko. Ar disạm reakʼ oka ṭoṭhakore onkoko girobasokʼkan tahẽkan onkokoakʼ ńutum lekage onako ṭoṭha reakʼ ńutum do hoyakana.