Genesis 10 - সান্তালী বাইবেল

Noha bõsrenkoakʼ katha

¹ Noa do hoyokʼ kana Noharen hopon Shem, Ham ar Japhet bõsrenko reakʼ katha. Ḍubạ dakʼ tayom onkoren hõ hopon ar hoponerako hoylena.

Japhetakʼ bõs tạlika

² Japhetren hopon doko hoyokʼkana, Gomer, Magog, Madal, Jawan, Tubạl, Mesek ar Tirạs.

³ Ar Gomerren hoponko do Askenas, Riphạt ar Togarma.

⁴ Jawaren hopon doko hoyokʼkana Elisa, Tạrsis, Kitim ar Dodanim.

⁵ Noko khonge sesre ạḍi utạr pạrsi, gharońj ar jạt lekate doreão aṛe reakʼ eṭakʼ eṭakʼ disạmreko pasnao idiyena.

Hamakʼ bõs tạlika

⁶ Hamren hoponko doko hoyokʼ kana, Kus, Misrạyim, Put ar Kanan.

⁷ Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

⁸ Kusren do mitʼṭecʼ hopone hoylena uniyakʼ ńutum do Nimrod tahẽkana. Uni do dhạrtire mitʼṭen birbanṭa hoṛe tahẽkana.

⁹ Probhu Isor samaṅre uni do mitʼṭen sesendra birbanṭa hoṛge. Ona iạteko mena, “Nimrod do Probhu Isor samaṅre mitʼṭen birbanṭa sesendrayicʼ.”

¹⁰ Uni do Sinạr disạm reakʼ Babel, Erek, Akad ar Kalnere rajosṭiye calaoetʼ tahẽkana.

^11-12 Uni do onḍe khon Ạsur hạbicʼ acʼakʼ rajosṭiye pasnao idiketʼtaea. Onḍenakʼ Ninwi, Rehobot, Ir, Kalah ńutumanakʼ nagraha do unigeye teṅgoleda. Noa modre Resen do Ninwi ar Kalah talare tahẽkana. Ar noako mitʼkate mitʼṭecʼ maraṅ nagraha tearlena.

^13-14 Ludio, Anamio, Lehebio, Naptuhiko, Pạthrusiko ar Kạsluhiko ar Kerh do Misorren bõsko tahẽkana. Kạsluhiko do Philisṭikoren hapṛamko tahẽkana.

¹⁵ Kananren maraṅicʼ hoponakʼ ńutum do Sidon tahẽkana. Uni tayom do Hethe janamena.

¹⁶ Jebusiko, Amoriko, Girgạsiko,

¹⁷ Hiwiko, Arkiko, Siniko,

¹⁸ Arwadiko, Semariko ar Hamathiko do Kanan bõsren hoṛko tahẽkana. Tayomte noko Kanan gharońjren doko pasnao idiyena.

¹⁹ Sidon nagraha khon Gerare calakʼ horre Gaja hạbicʼ ar Gaja khon Sodom, Gomora, Adma ar Seboyim calakʼ horre Lasa hạbicʼ Kananrenkoakʼ reakʼ simạ do tahẽkana.

²⁰ Gharońj, pạrsi, disạm ar jạt lekate nokoge Ham bõsren hoṛko tahẽkana.

Shemakʼ bõs tạlika

²¹ Japhetren dadattetʼ Shemren hõ hopon ar hoponerako hoylena. Shem doe tahẽkana Eberren hopon ar uniren hoponkoren ạgil hapṛam.

²² Shemren hoponko doko hoyokʼ kana, Elam, Ạsur, Arpaksad, Lud ar Aram.

²³ Aramren hoponko doko hoyokʼ kana, Us, Hul, Gether ar Mesek.

²⁴ Arpaksadren hoponakʼ ńutum do Selah ar Selahren hoponakʼ ńutum do Eber

²⁵ Eberren do barea hoponkin tahẽkana. Unkin modre mitʼ hoṛakʼ ńutum do Peleg. Uni oktere dhạrti do begarlen iạte uni do niạ ńutumko doholetʼtaea. Pelegren, boehawakʼ ńutum do Joktan tahẽkana.

²⁶ Joktanren hoponko doko hoyokʼ kana Almodad, Seleph, Hasarmawet, Jerah,

²⁷ Hadoram, Usạl Diklạ,

²⁸ Ebal Abimayel Seba,

²⁹ Ophir, Hawila ar Jobab. Noko joto do Joktanren hoponko tahẽkana.

³⁰ Mesa khon purub secʼ Sephar calakʼ horre okako buru nala tahẽkan ona reakʼ sanam ṭhạ̃ireko girobasokʼkan tahẽkana.

³¹ Ar onkoakʼ gharońj, pạrsi, disạm ar jạt lekate nokoge Shemren bõsko tahẽkana.

³² Nokoge bõs ar jạtrenko lekate Noharen hoponkoren eṭakʼ eṭakʼ gharońjrenko tahẽkana. Ar ḍubạ dakʼ tayom noko bõskoren hoṛge goṭa dhạrtiko pasnao idiyena.