Esra 2 - সান্তালী বাইবেল

Ruạṛ hecʼenko reakʼ tạlika

¹ Babelren raj Nebukadnesar do okoeko hoṛ bondikate Babelteye idiletʼko onko modren ḍherkoge Jerusalem ar Jihudạre apan ạpin nagraha ar atoteko ruạṛ hecʼena.

² Noko hoṛko do Serubabel, Jesua, Nehemiạ, Seraya, Reyelaya, Mordekae, Bilsan, Mispar, Bigwai, Rehum, ar Bakʼana sãoteko ruạṛ hecʼlena. Ar okoe Israel herel hoponko ruạṛ hecʼlen onkoakʼ lekha do nonka leka tahẽkana:

³ Paros bõsren hoṛko do bar hajar mitʼsae eaegel bar hoṛ;

⁴ Sephatiạren do pe sae eaegel bar hoṛ;

⁵ Araren do eae sae eaegel mõṛẽ hoṛ;

⁶ Pahat-Moabakʼ bõsren do Jesuạ ar Joabakʼ bõsren bar hajar irạl sae gelbar hoṛ;

⁷ Elamren do mitʼ hajar barsae mõṛẽgel pon hoṛ;

⁸ Saturen do are sae pon gel mõṛẽ hoṛ;

⁹ Sakaeren do eae sae turuigel hoṛ;

^10-12 Baniren do turui sae pongel bar hoṛ; Bebairen turui sae bargel pe hoṛ: Asgadren do mitʼ hajar barsae bargel bar hoṛ;

¹³ Adonikamren do turui sae turuigel turui hoṛ;

¹⁴ Bigwairen do bar hajar mõṛẽgel turui hoṛ:

¹⁵ Adiniren ponsae mõṛẽgel pon hoṛ;

¹⁶ Jeheskiạ hopon Ater bõskoren do aregel irạl hoṛ:

¹⁷ Besairen do pesae bargel pe hoṛ;

¹⁸ Jorahoren do mitʼsae gelbar hoṛ:

^19-21 Hasumren do barsae bargel pe hoṛ: Gibarren do aregel mõṛẽ hoṛ; Bethlehem atoren do mitʼsae bargel pe hoṛ;

²² Netopharen do mõṛẽgel turui hoṛ:

²³ Anathotren do mitʼsae bargel irạl hoṛ;

²⁴ Asmawetren pongel bar hoṛ;

²⁵ Kiriath-Jearim Kephira ar Beyerothren do eae sae pongel pe hoṛ;

²⁶ Rama Gebaren do turui sae bargel mitʼ hoṛ;

²⁷ Mikmasren do mitʼsae bargel bar hoṛ;

²⁸ Bethel ar Airen do barsae bargel pe hoṛ;

^29-31 Neboren do mõṛẽgel bar hoṛ; Magbisren do mitʼsae mõṛẽgel turui hoṛ; dosaricʼ Elamren do mitʼ hajar barsae mõṛẽgel pon hoṛ;

³² Harimren do pesae bargel hoṛ;

³³ Lod, Hadid ar Ononren do eae sae bargel mõṛẽ hoṛ;

³⁴ Jerikhoren do pesae pongel mõṛẽ hoṛ;

³⁵ Senakʼren do pe hajar turui sae pegel hoṛ;

³⁶ Naekekoakʼ lekha do nonka: Jidayakʼ bõsren Jesua bõsren do are sae eae gel pe hoṛ;

³⁷ Imerren do mitʼ hajar mõṛẽgel bar hoṛ;

³⁸ Pasurren do mitʼ hajar barsae pongel eae hoṛ;

³⁹ Harimren do mitʼ hajar gel eae hoṛ;

⁴⁰ Liwikoakʼ lekha do nonka: Jesua ar Kadmiyel bõsren Hodawi bõsren do eaegel pon hoṛ;

⁴¹ Sekʼreńkoakʼ lekha do nonka; Asaph bõsren mitʼsae bargel irạl hoṛ.

⁴² Koejoṅ oṛakʼren rurukhiyạkoakʼ lekha do jotote mitʼsae pegel are hoṛ. Noko doko hoyokʼkana Salum, Aṭer, Ṭalmon, Akub, Haṭita ar Sobai bõsren hoṛko.

⁴³ Koejoṅ oṛakʼren sapʼsosorko doko hoyokʼkana: Sipha, Hasupha ar Tabotren hoponko;

⁴⁴ Keros, Siah ar Padonren hoponko;

⁴⁵ Lebana, Hagab ar Akubren hoponko;

^46-48 Hagab, Samlai ar Hananren hoponko; Gidel, Gohar ar Reayalren hoponko; Resin, Nekod ar Gasamren hoponko;

⁴⁹ Us, Paseya ar Besairen hoponko;

⁵⁰ Asna, Meyunim ar Nephismren hoponko;

⁵¹ Bakbuk, Hakupha ar Harhuren hoponko;

⁵² Baslut, Mehida ar Harsaren hoponko;

⁵³ Barkos, Sisera ar Temaren hoponko;

⁵⁴ Nesia ar Hatipharen hoponko.

⁵⁵ Solomonren golamkoren bõsko: Noko doko hoyokʼkana Sotai, Hasopherot, Peruda,

⁵⁶ Jakʼala, Darkon, Gidel,

⁵⁷ Sephaṭia, Hatil, Pokeret-Hasebayim ar Amiren hoponko.

⁵⁸ Koejoṅ oṛakʼren sapʼsorko ar Solomonren gutikoren hoponko do jotote pesae aregel bar hoṛko tahẽkana;

⁵⁹ Tel-Melah, Tel-harsa, Kerub, Adan ar Emer ṭoṭha khon okoeko hecʼlen tahẽkan onko do Israel mente bako sabud daṛeada.

⁶⁰ Onko doko hoyokʼkana: Delay, Ṭobiạ ar Nekoda bõsren turui sae mõṛẽgel bar hoṛ;

^61-62 Noko mod khon Hobai, Hakos ar Barsilai bõsko do bõs tạlikare akoakʼ bõsko khojleda menkhan bako ńamletʼtakote naekeko mod khon onko doko chaṭao ocoyena. Barsilai do ona ńutumtegeye hoho ocokʼkan tahẽkana, ente Gileadiạ Barsilairen mitʼṭen hoponerae baplaledea.

⁶³ Ar disạm cakʼlaoyicʼe hukumleda Urim ar Thumim beohar lạgitʼ naekeko ạuriko ńamokʼ hạbicʼ okoe hõ jemon ona sonot utạrakʼ jomakʼ aloko jomma.

⁶⁴ Bondi dosa khon ruạṛ hecʼen goṭa goṭa manḍerren hoṛkoakʼ lekha do pongel bar hajar pesae turuigel tahẽkana.

⁶⁵ Ona chaḍa eae hajar pe sae pegel eae hoṛ do guti-kạ̃ṛmĩko ar barsae hoṛ do sekʼreń dolrenko tahẽkana.

⁶⁶ Onkoren do eae sae pegel turui goṭen sadomko ar bar sae pongel mõṛẽ goṭen khaccorko,

⁶⁷ ponsae pegel mõṛẽ goṭen ũṭko ar turui hajar eae sae bargel goṭen gadhako tahẽkana.

⁶⁸ Ar Jerusalemre Probhu Isorakʼ oṛakʼteko seṭeren tayom onko bõsren adom adom mathako do lahateakʼ ṭhạ̃ire Probhu Isorakʼ oṛakʼ arhõ benao lạgitʼ danko emkeda.

⁶⁹ Onko mimitʼko do akoakʼ daṛe leka niạ kạmi lạgitʼ ponsae mõṛẽ keji sona, pe hajar barsae mõṛẽgel keji rupạ ar naekeko lạgitʼ mitʼsae kicricʼ do khajańci oṛakʼreko dohokeda.

⁷⁰ Ar naekeko, Liwiko, sekʼreńko, koejoṅ oṛakʼren rurukhiyạko ar sapʼsosorko ar eṭakʼ hoṛko, metakʼme sanam Israelko do apan ạpin ato ar nagrahare girobasokʼko ehopʼena.