1 Bõsbudạ 7 - সান্তালী বাইবেল

Isakarren bõsko

¹ Isakarren do ponea hoponko tahẽkana onko doko hoyokʼkana Toloy, Puạ, Jasub ar Simron.

² Toloyren hoponko doko hoyokʼkana Usi, Rophae, Jiriyel, Johomoy, Jibsom ar Samuel. Noko do nij nij bõsren mukhiyạko tahẽkana. Dạudakʼ rajokʼ oktere Toloyakʼ bõsren okoeko hoṛakʼ ńutum do lạṛhại hoṛ lekate bõsbudạko ńum ocolen onko do lekhare bargel bar hajar turui sae hoṛko tahẽkana.

³ Usiạren mitʼṭen hopontetʼakʼ ńutum do Jisrahiạ. Jisrahiạren hopon doko hoyokʼkana Mikayel, Obodiạ, Joel ar Jisiạ. Jisrahiạ sudhạ noko mõṛẽ hoṛ do bõsren mukhiyạko tahẽkana.

⁴ Onkoren bạhuko ar gidrạko do ạḍi ḍherko tahẽkana; onate onkoakʼ bõsbudạ lekate lạṛhại calakʼ lạgitʼ sapṛao akan hoṛkoakʼ lekha do pegel turui hajarko tahẽkana.

⁵ Isakar gusṭiren sanam bõsrenko modre jotote irạlgel eae hajar lạṛhại phạd koakʼ ńutum do lekha hoylena.

Benjạminren bõsko

⁶ Benjạminren do pea hoponko tahẽkana, onko doko hoyokʼkana Bela, Bekhor ar Jidiyel.

⁷ Belaren mõṛẽ goṭen hopon doko hoyokʼkana Isbon, Usi, Usiyel, Jiremoth ar Eri. Noko do nij nij bõsren mukhiyạko tahẽkana. Onkoakʼ bõsbudạre bargel bar hajar ar pegel hoṛ do lạṛhại dol lekate ńutumko olletʼtakoa.

⁸ Bekhorren hoponko doko hoyokʼkana Somira, Joas, Eliyeshor, Eliyo-Onoy, Omri, Jiromoth, Abiạ, Onathot ar Alemoth.

⁹ Onkoakʼ bõs-budạre mukhiyạkoakʼ ńutum ar bargel hajar barsae lạṛhại phạdkoakʼ ńutum ollen tahẽkana.

¹⁰ Jidiyelren mitʼṭen hoponakʼ ńutum do Bilhon tahẽkana. Bilhonre hoponko doko hoyokʼkana Jiyus, Benjamin, Ahud, Konana, Sethonn, Tạrsis ar Ahisohor.

¹¹ Jidiyelakʼ bõsren noko hoṛko do bõsren mukhiyạ ar birbanṭako tahẽkana. Onkoren do gel eae hajar barsae hoṛ do lạṛhại lạgitʼ sapṛao akanko tahẽkana.

¹² Suppim ar Huppim do Erren hopone tahẽkana ar Husim do Aherren hopone tahẽkana.

Napthaliren bõsko

¹³ Napthaliren hoponko doko hoyokʼkana Johosiyel, Guni, Jethsor ar Sollum. Nokoren apatren eṅgatakʼ ńutum do Bilha tahẽkana.

Manaseren bõsko

¹⁴ Manasiren hoponko doko hoyokʼkana Osriyel ar Gileadren apat Makhir. Manasiren do Aramren chuṭki erawakʼ kukhireye janamlena.

¹⁵ Makhir do Huppim ar Suppimren lạgitʼ bạhui ạguletʼkinạ. Makhirren miseratakʼ ńutum do Makha tahẽkana. Manasi bõsren ar mitʼ hoṛe tahẽkana uni do Solphad. Uniren do jotoge kuṛi hoponko tahẽkantaea.

¹⁶ Makhirren bạhuakʼ kukhire do Peres ńutuman mitʼṭen hopone janamlena. Uniren boehawakʼ ńutum do Seres ar uniren hoponkinakʼ ńutum do Ulom ar Rekom tahẽkana.

¹⁷ Ulomren mitʼṭen hopontetʼakʼ ńutum do Bodan tahẽkana. Nokin do Gilead bõsren hoṛkin tahẽkana. Gilead do Makirren hopon ar Makir do Manasiren hopone tahẽkana.

¹⁸ Gileadren misera Hemolekotren hopon doko hoyokʼkana Ishod, Abisior ar Mohola.

¹⁹ Samiren hoponko doko hoyokʼkana Ahiyon, Sekhom, Likhi ar Aniyam.

Ephrayimren bõsko

²⁰ Ephrayimren mitʼṭen hoponakʼ ńutum do Sutheloho, ar Suthelohoren hopon dio Berod, Berodren hopon do Tohot, Tohotren hopon do Eliyada, Eliyadaren hopon do Tohot.

²¹ Tohotren hopon do Sabod ar Sabodren hopon do Sutheloho. Ephrayimren do arhõ barea hoponkin tahẽkana unkinakʼ ńutum do Ethsor ar Eliad. Unkin do disạmrekin janamlena ar Gadren hoṛkoakʼ titekin gocʼ ocoyena, ente unkin do Gadkoren janwar kombṛoko lạgitʼ onḍekin senlen tahẽkana.

²² Unkinren apat Ephrayim do ḍher din hạbicʼ unkin lạgitʼe rakʼ homorleda. Uniren peṛa pạrbhạko do jiwi raṛecʼtae lạgitʼko hecʼlena.

²³ Inạ tayom uni do acʼren bạhu tulucʼe giticʼmitʼen khan uniren bạhu doe bhạrti hoṛmoyena ar mitʼṭen koṛa hopone janamkedea. Ephrayim do uniyakʼ ńutum Beriai dohoketʼtaea, ente uniyakʼ oṛakʼre ghoṭna paṛao akan tahẽkana.

²⁴ Uniren hoponerawakʼ ńutum do Sira tahẽkana. Ar Sira do cetan ar latar Beth-Aron ar Usen-Sira atoye benao rakapʼleda.

²⁵ Boyirren hopon Rephoho, ar Rephohoren hopon do Resoph, Resophren hopon do Teloho, Telohoren hopon do Tohon,

²⁶ Tohonren hopon do Ladon, Ladonren hopon do Ammihud, Ammihudren hopon do Elisama,

²⁷ Elisamaren hopon do Nun ar Nunren hopon do Josuạ.

²⁸ Bethel ar ona beṛhaeteakʼ atoko, purub secʼ Naron, pạchim secʼ Gesor ar ona beṛhaeteakʼ atoko do Ephrayimakʼ jaega jumi ar tahen oṛakʼko tahẽkana. Ona chaḍa Sikem ar ona reakʼ atoko khon Oya ar ona reakʼ atoko hạbicʼ onkoakʼ ṭoṭha tahẽkana.

²⁹ Manasi reakʼ simạ hạbicʼ Beth-san, Tanok, Mogiddo, Dor ar niạko beṛhaeteakʼ joto atoko do onkoakʼ tahẽkana. Israelren hopon Josephren bõsko do niạ nagraha ar atokoreko girobasokʼ kan tahẽkana.

Aserren bõsko

³⁰ Asren hoponko doko hoyokʼkana Jimno, Jisba ar Boriạ. Ar Seroho do onkoren miserate tahẽkana.

³¹ Boriạren hopon dokin hoyokʼkana Hebor ar Molkiyel. Molkiyel do Birsatren apattetʼe tahẽkana.

³² Heborren hoponko doko hoyokʼkana Jophleṭ, Somer ar Hothom. Ar Suạ do onkoren miserate tahẽkana.

³³ Jophleṭren hopon doko hoyokʼkana Pasok, Bimhol ar Osat.

³⁴ Semorren hopon doko hoyokʼkana Ahi, Rogoh, Jihubbo ar Aram.

³⁵ Semorren boeha Helomren hopon doko hoyokʼkana Sophoho, Jimmo, Selosh ar Amol.

³⁶ Shopherren hoponko doko hoyokʼkana Suho, Hornephor, Sual, Beri, Jimri,

³⁷ Bethsor, Hod, Sommo, Silosh, Jetron ar Bera.

³⁸ Jethorren hopon doko hoyokʼkana Jephuni, Pishop ar Ora.

³⁹ Ulren hopon doko hoyokʼkana Aroho, Honniel ar Rithsiạ.

⁴⁰ As gusṭiren noko hoṛko do nij nij bõsren mukhiyạko tahẽkana. Noko mimitʼko do bachao akan birbanṭa ar maraṅ mukhiyạko tahẽkana. Asakʼ bõsbudạre olakan hoṛko modre lạṛhại calakʼ sapṛao akan hoṛkoakʼ lekha do bargel turui hajar tahẽkana.