1 Bõsbudạ 6 - সান্তালী বাইবেল

Liwiren bõsko

¹ Liwiren hoponko doko hoyokʼkana Gerson, Kohat ar Morari.

² Kohatren hoponko doko hoyokʼkana Omram, Jishor, Hebron ar Usiyel.

³ Omramren hoponko doko hoyokʼkana Haron, Mose ar Mạriạm. Haronren hopon doko hoyokʼkana Nadam, Abihu, Eliaser ar Ethamar.

⁴ Eliaserren hopon do Pinhas, Pinhasren hopon do Abisue,

⁵ Abisueren hopon Buki, Bukiren hopon Usi,

⁶ Usiren hopon Sorohiạ, Sorohiạren hopon Morayoth,

⁷ Morayothren Omoriạ, Omoriạren hopon Ahiṭub,

⁸ Ahiṭubren hopon Sadok, Sadokren hopon Ahimas,

⁹ Ahimasren hopon Asariạ, Asariạren hopon Johanan,

¹⁰ Johananren hopon Asariạ. Uni do Jerusalemre Solomone benaoletʼ mundilre naeke reakʼe kạmiyetʼ tahẽkana.

¹¹ Asariạren hopon Amariạ, Amariren hopon Ahiṭub,

¹² Ahiṭubren hopon Sadok, Sadokren hopon Sollum,

¹³ Sollumren hopon Hilkiạ, Hilkiạren hopon Asariạ,

¹⁴ Asariạren hopon do Sorae, Soraeren hopon do Jihosadek.

¹⁵ Probhu Isor do tinre Nebukadenesar hotete Jihudạ ar Jerusalemren hoṛko bondikateye kolletʼkoa ar ona jokhecʼ Jihosadek hõ onḍeye kolledea.

Liwiren eṭakʼ bõsko

¹⁶ Liwiren hopon do Gerson, Kohat ar Merari.

¹⁷ Gersonren hoponkinakʼ ńutum do Libni ar Simiyi.

¹⁸ Kohatren hopon doko hoyokʼkana Omram, Jishor, Hebron ar Usiyel.

¹⁹ Merariren hopon dokin hoyokʼkana Mohali ar Musi. Hapṛamkoakʼ bõs lekate nokoakʼ ńutum do Liwikoakʼ bõs tạlikare ol rakapʼlena.

²⁰ Gersonren hopon do Libni, Libniren hopon Johot, Johotren hopon Simmo,

²¹ Simmoren hopon Joah, Joahren hopon Eddo, Eddoren hopon Seroho, Serohoren hopon Jiyotroy.

²² Kohatren mitʼṭen hopontetʼakʼ ńutum do hoyokʼkana Aminadab, Aminadabren hopon do Koroho, Korohoren hopon do Asir,

²³ Asirren hopon do Elkana, Elkanaren hopon do Ebiyasaph, Ebiyasaphren hopon do Asir,

²⁴ Asiren hopon do Tohat, Tohatren hopon do Uriyel, Uriyelren hopon do Usiạ, Usiạren hopon do Sạul.

²⁵ Elkanaren hopon dokin hoyokʼkana Amasai ar Ahimat,

²⁶ Ahimotren hopon do Elkana, Elkanaren hopon do Sophi, Sophiren hopon do Nohot,

²⁷ Nohotren hopon do Eliab, Eliabren hopon do Jiroham, Jirohamren hopon do Elkana ar Elkanaren hopon do Samuel.

²⁸ Samuelren pạhilicʼ hoponakʼ ńutum do Joel ar dosaricʼ hoponakʼ ńutum do Abiạ.

²⁹ Morariren mitʼṭen hoponakʼ ńutum do Moholi, Moholiren hoponakʼ ńutum do Libni, Libniren hoponakʼ ńutum do Simiyi, Simiyiren hopon Us,

³⁰ Usren hopon Simiyi, Simiyiren hopon Hogiyo ar Hogiyoren hopon do Asae.

Mundilren sekʼreń dolko

³¹ Goha sinduk Probhu Isorakʼ oṛakʼre ạguyen tayom Dạud do thoṛa hoṛko cetanre sereń reakʼ bhare ematʼkoa.

³² Solomon do Jerusalemre Probhu Isorakʼ oṛakʼ ạuriye benao hạbicʼ onko hoṛko do ḍera tạmbu samaṅre, metakʼme ńapamokʼ tạmbu samaṅrege sereń durạṅate Probhu Isorko sewawae kan tahẽkana. Onko lạgitʼ okaṭakʼ niạm ṭhik doho akan tahẽkana ona lekage onko doko kạmikan tahẽkana.

³³ Niạ sewa kạmire okoe hoṛko ar onkoren okoeko bõskoko bahal ocolen onko doko hoyokʼkana: Kohatrenko modre do gaenaha Hemone tahẽkana. Hemon do Joelren hopone tahẽkana, ar Joel do Samuelren hopon,

³⁴ Samuel do Elkanaren hopon, Elkana do Jihoramren hopon, ar Jihoram do Eliyelren hopon, ar Eliyel do Toharren hopon,

³⁵ Toha do Suphren hopon, Suph do Elkanaren hopon, Elkana do Mahotren hopon, Mahot do Amasaeren hopon.

³⁶ Amasae do Elkanaren hopon, Elkana do Joelren hopon, Joel do Asariạren hopon, Asariạ do Saphoniạren hopon,

³⁷ Saphoniạ do Tohatren hopon, Tohat do Asirren hopon, Asir do Ebiyashopren hopon, Ebiyashop do Korohoren hopon,

³⁸ Koroho do Jishorren hopon Jishor do Kohatren hopon, Kohat do Liwiren hopon ar Liwi do Israelren hopone tahẽkana.

³⁹ Hemonren peṛa Asaph ar uniren sereń dolko do Hemonakʼ jojomsa secʼreko teṅgokʼkan tahẽkana. Ar Asaph do Berikhir hopone tahẽkana, Berikhir do Simiyiren hopon,

⁴⁰ ar Simiyi do Mikhayelren hopon, Mikhayel do Baseyerren hopon, Basey do Molkiyạren hopon,

⁴¹ Molkiya do Ethner hopon, Ethne do Serohoren hopon, Seroho do Adayaren hopon,

⁴² Aday do Ethonren hopon, Ethon do Simmir hopon, Simmi do Simiyiren hopon;

⁴³ Simiyi do Johotren hopon, Johot do Gersonren hopon ar Gerson do Liwiren hopone tahẽkana.

⁴⁴ Onkoren peṛako metakʼme Morariren sereń dol do Hemonakʼ leṅgati secʼreko teṅgokʼkan tahẽkana. Ethon doe tahẽkana Kisren hopon, Kis do Obdiren hopon, Obdi do Mollukren hopon,

⁴⁵ Molluk do Hosbiyạren hopon, Hosbiyạ do Amasiạren hopon, ar Amasiạ do Hilkiạren hopon,

⁴⁶ Hilikiạ do Amsirren hopon, Amsi do Baniren hopon, Bani do Semorren hopon,

⁴⁷ Semor do Moholiren hopon, Moholi do Musiren hopon, Musi do Morariren hopon ar Morari do Liwiren hopon.

⁴⁸ Onkoren peṛa eṭakʼ Liwiko do ḍera tạmbu, metakʼme Isorakʼ oṛakʼ reakʼ eṭakʼ sanamakʼ kạmireko bahal ocoakan tahẽkana.

Aronren bõsko

⁴⁹ Menkhan Aron ar uni bõsren hoṛko do Isorren guti Moseyakʼ sanam hukum lekate jeredokʼ samaṅokʼakʼ pinḍ ar dhudhup pinḍ cetanre samaṅokʼakʼko samaṅetʼ tahẽkana ar sonot utạrakʼ ṭhạ̃ire jạruṛokʼakʼ kạmiko kạmiyetʼ tahẽkana ar Israel jạtrenkoakʼ kại puruchun reakʼ hõko kạmiyetʼ tahẽkana.

⁵⁰ Aronren mitʼṭen hoponakʼ ńutum do Eliasar tahẽkana, ar Eliaserren hopon do Pinhas, Pinhasren hopon do Abusui,

⁵¹ Abisuiren hopon Bukki, Bukkiren hopon Usi, Usiren hopon do Sorahiạ,

⁵² Sorahiạren hopontetʼakʼ ńutum do Morayot, Morayotren hopon do Amoriạ, Amoriạren hopon do Ahiṭub,

⁵³ Ahiṭubren hopon do Sadok ar Sadokren hopon do Ahimas.

Liwikoakʼ tahen ṭhạ̃iko

^54-59 Kohatiạ Aron bõsren hoṛko lạgitʼ pạhilre gulibãṭ hoylen iạte tahen lạgitʼ okaṭakʼ nagraha ar atoko hạṭińreko ńamletʼ onako modre Jihudạ ṭoṭha reakʼ Asrayokʼ nagraha Hebron ar ona ạḍepase reakʼ janwar ạtiń ṭạnḍiko hõ tahẽkana. Menkhan nagraha beṛhaeteakʼ khet baṛgeko do Jiphuniren hopon Kalebe emocolena. Ona chaḍa Aron bõsren hoṛko do Libna, Jottiạ, Esṭimiạ, Hilen, Dobir, Ason, Beth-semes ar noako beṛhaeteakʼ janwar ạtiń ṭạnḍiko lạgitʼ tahẽkana.

⁶⁰ Benjạmin gusṭiren jaegako khon doko emocoyena Geba, Alemet, Onathot ar onako beṛhaeteakʼ janwar ạtiń ṭạnḍiko. Jotote gelpe nagraha ar ato do Kohat bõsrenko talareko hạṭińatʼkoa.

⁶¹ Manase gusṭiren adha hoṛkoakʼ ṭoṭhako khon gel goṭecʼ nagraha ar ato do gulibãṭ lekate Kohatren sarecʼ hoṛko ńamkeda.

⁶² Bõs lekate Gerson bõsrenko do Isakar, Aser, Napthali nagrahako emocoyena ar Bason reakʼ Manasi gusṭi ṭoṭha khon gelpe nagraha ar atoko ńamkeda.

⁶³ Ruben, Gad ar Sebulon gusṭi reakʼ ṭoṭha khon gulibãṭkate gelbar goṭecʼ nagraha ar atoko do bõs lekate Morari bõsren hoṛko ńamkeda.

⁶⁴ Nonkate Israelko do niạko nagraha ar atoko ar ona beṛhaeteakʼ janwar ạtiń ṭạnḍiko do Liwikoko ńamkeda.

⁶⁵ Jihudạ, Simeon ar Benjamin gusṭi reakʼ ṭoṭhako khon okako nagraha ar atoko roṛ rakapʼlen onako hõ gulibãṭ lekateko ńamkeda.

⁶⁶ Ar adom Kohat bõsrenko do Ephrayim gusṭi ṭoṭha khon mitʼ bar nagraha ar atokoko ńamkeda.

^67-69 Ephrayim buru ṭoṭha khon Asrayokʼ nagraha Sikem, Gesor, Jokmiam, Beth-Haron, Oyalon ar Gat-Rimon ar onako beṛhaeteakʼ janwar ạtiń ṭạnḍiko ńamkeda.

⁷⁰ Ona chaḍa Manase gusṭiren adha hoṛko do akoakʼ ṭoṭha khon ar Biliom ar onako beṛhaetaeakʼ janwar ạtiń ṭạnḍiko emocoyena.

⁷¹ Gersonrenko do Manase gusṭiren adha gusṭiren hoṛkoakʼ ṭoṭha khon janwar ạtiń ṭạnḍi sudhạ Bason reakʼ Golan ar Astorothko ńamkeda.

^72-73 Onko do Isakar gusṭiko reakʼ ṭoṭha khon Kedes, Daborot, Ramoth ar Anem ar niạko beṛhaeteakʼ janwar ạtiń ṭạnḍi hõko ńamkeda.

^74-75 Asren gusṭikoakʼ ṭoṭha khon onko do Mosal, Abdon, Hukok, Rahab ar ona beṛhaeteakʼ janwar ạtiń ṭạnḍi sudhạko ńamkeda.

⁷⁶ Napthali gusṭi reakʼ ṭoṭhako khon janwar ạtiń ṭạnḍi sudhạ Gạlil reakʼ Kedos, Hommon ar Kiriyathiam hạbicʼko ńamkeda.

⁷⁷ Ar sarecʼ Liwiko, metakʼme Merariko do Sebulon gusṭi reakʼ ṭoṭha khon janwar ạtiń ṭạnḍi sudhạ Rimon ar Taborko ńamkeda.

^78-79 Onko do Jerikho reakʼ purub secʼ jordan gaḍa hanasare Ruben gusṭiko reakʼ ṭoṭha khon hahaṅkar reakʼ Beth-sor, Jahosa, Kodemoth ar Mephat ar onako beṛhaeteakʼ janwar ạtiń ṭạnḍiko ńamkeda.

^80-81 Onko do Gad gusṭi reakʼ ṭoṭha khon Gilead reakʼ Ramot, Mohoniam, Hisbon ar Jaser ar onako beṛhaeteakʼ janwar ạtiń ṭạnḍiko ńamkeda.