1 Bõsbudạ 3 - সান্তালী বাইবেল

Dạudren bõsko

¹ Dạudren okoe hoponko do Hebronreko janamlen onko doko hoyokʼkana maraṅicʼ hopon do Amon, one uniren eṅgat do Jisriyelren Ahinoyem; dosaricʼ hopon Daniel, one uniren eṅgat do Karmilren Abigole tahẽkana;

² tesaricʼ hopon do Absalom, one uniren eṅgat do Gesorren raj Talmạiren hoponera Makaye tahẽkan; ponicʼ hopon do Adoniạ, one uniren eṅgat do Hogite tahẽkan;

³ mõṛẽyicʼ hopon do Sophaṭiạ, one uniren eṅgat do Abiṭole tahẽkan; turuicʼ hopon do Jitriyom, one uniren eṅgat do Dạudren ar mitʼṭen bạhu Eglui tahẽkana.

⁴ Dạud do Hebronre eae bochor raje calaoleda, ar ona jokhecʼ Hebronre uniren noko turui goṭen hoponko janamlena. Ar Dạud do pegel pe bochor Jerusalemre raje calaoeda,

⁵ Ar onḍe Omiyelren bạhu Bethsebawakʼ kukhire uniren do ponea hoponko janamlena. Onko doko hoyokʼ kana Simiyi, Sobab, Nathon ar Solomon.

^6-8 Ona chaḍa uniren do arhõ are goṭen hoponkoakʼ ńutum do hoyokʼkana Jibhor, Elisuạ, Eplelot, Nogoho, Nephog, Japhiạ, Elisama, Eliyada, ar Elipheloṭ.

⁹ Noko doko hoyokʼkana Dạudren hopon, ar onkoren boeha kuṛiyakʼ ńutum do Tamor. Ona chaḍa Dạudren chuṭki erakoakʼ kukhire arhõ hoponkoko janamlena.

Solomon rajren bõsko

¹⁰ Solomonren hopon Rohobiam, Rohobiamren hopon Abiạ, Abiạren hopon Asa, Asaren hopon Jehosapat,

¹¹ Jehosaphatren hopon Jihoram, Jihoramren hopon Ahosiạ, Ahosiạren hopon Joas,

¹² Joasren hopon Amasiạ, Amasiạren hopon Asariạ, Asariạren hopon Jothom,

¹³ Jothamren hopon Ahos, Ahosren hopon Hiskiạ, Hiskiạren hopon Manasi,

¹⁴ Manasiren hopon Amon ar Amonren hopon Josiạ.

¹⁵ Josiạren pạhilicʼ hopon do Johanan, dosaricʼ do Jihowakim, tesaricʼ do Sidikiạ, ponicʼ do Solum.

¹⁶ Jihowakimren hopon dokin hoyokʼkana Jikoniạ ar Sidikiạ.

Bondi dosa tayom raj bõsko

¹⁷ Bondi Jikoniaren hopon Solṭiel,

¹⁸ Molkiram, Poday, Sinothsor, Jikomiạ, Hosama ar Nodobiạ.

¹⁹ Podayren hopon dokin hoyokʼkana Serubabil ar Simiyi. Serubabilren hopon dokin hoyokʼkana Moslum ar Honaniạ. Ar unkinren miseratakʼ ńutum do tahẽkana Solomit.

²⁰ Ona chaḍa Serubabilren do arhõ mõṛẽ goṭen hoponko tahẽkana; onko doko hoyokʼkana Hosuba, Ohel, Berikhiạ, Hosdiạ ar Jusob-Hesod.

²¹ Honaniạ bõsren hoṛko do Polṭiạ ar Jisayaho; ona chaḍa ona bõsre Rophayelren, Arnonren, Obodiạren ar Sokhoniạren hoponkoko tahẽkana.

²² Sokhoniạ bõsren hoṛko doko hoyokʼkana Samariạ ar uniren hoponko; onko hoponkoakʼ ńutum do tahẽkana Hoṭus, Jigal, Bariho, Niạriạ ar Saphoṭ. Noko do jotote turui goṭenko tahẽkana.

²³ Niạriạren do pe hoponko tahẽkantaea onko do hoyokʼkana Eliyonoe, Hiskiạ, Osrakim.

²⁴ Eliyạnren eae goṭen hopon doko hoyokʼkana Hodbiạ, Eliyasib, Polai, Akub, Johanan, Dolae ar Anani.