1 Bõsbudạ 25 - সান্তালী বাইবেল

Sekʼreń dolko

¹ Sekʼwa oṛakʼ reakʼ sapʼ sosor kạmi lạgitʼ Dạud ar lạṛhại phạdkoren subedarko do Asaph, Hemon ar Jiduthonren hoponkoko begarketʼkoa jemon onko do peṛesaṅ, binạ banam ar kortal ru seletʼ sereń talate Isorakʼ kathako sodor daṛeakʼ. Ar okoeko noako kạmikan tahẽkan onkoa tạlika do nonka leka:

² Asaphren hopon Sukur, Joseph, Nathaniel ar Asarel. Onko do rajakʼ hukum lekate Asaphakʼ ạyurte sereń talate Isorakʼ kathako sodoretʼ tahẽkana.

³ Jiduthanren turui goṭen hoponko do Gedaliạ, Sori, Jisayaho, Simiyi, Hosbiạ ar Mottithiạ. Onko do akoren apattetʼ Jiduthanakʼ ạyurte peṛesaṅ banamate Probhu Isor sarhao ar õṛhẽ talate uniyakʼ kathako sodoretʼ tahẽkana.

⁴ Hemonren hopon Bukiạ, Mottoniạ, Usiyel, Sobuyel, Jirimoth, Honaniạ, Honani, Eliyatha, Giddoloti, Romamoti-Esor, Josebkasa, Mollothi, Hothir ar Mohosiyoth.

⁵ Noko joto do rajren gunạnicʼ Hemonren hoponko tahẽkana. Isorakʼ gokʼakʼ lekate Hemon daṛe ocoye lạgitʼ Isor do gelpon hoponko ar pea hoponerae emade tahẽkana.

⁶ Isorakʼ oṛakʼ reakʼ kạmi lạgitʼ noko jotoge akoren apattetʼ Asaph, Jiduthon ar Hemonakʼ ạyur tabereko tahẽkana. Onko do rajakʼ hukumte kortal ar binạ banam ar peṛesaṅ banamate Probhu Isorakʼ oṛakʼreko sereń durạṅetʼ tahẽkana.

⁷ Probhu Isor ńutumte onkoren bõsrenkoakʼ sereń durạṅre sikhit ar gạkhuṛ hoṛkoante onkoakʼ lekha do barsae irạlgel irạl hoṛko tahẽkana.

⁸ Koṛako khon haṛam hạbicʼ, cecetʼko ar cetʼjoṅko jotokoakʼ kạmi reakʼ pạli do gulibãṭkate ṭhik doholena.

⁹ Asaph secʼ khon pạhilre gulibãṭkate Josephakʼ ńutum rakapʼena. Dosar dhao gulibãṭre do Godaliakʼ ńutum rakapʼena; uni, ar uniren peṛa pạrbhạko ar hoponkoante gelbar hoṛko tahẽkana.

¹⁰ Tesar dhao gulibãṭre do Sokurakʼ ńutum rakapʼena; uni ar uniren hoponko ar peṛa pạrbhạkoante gelbar hoṛko tahẽkana.

¹¹ Ponakʼ gulibãṭre do Jisriyelakʼ ńutum rakapʼena; uni ar uniren hoponko ar peṛa pạrbhạkoante gelbar hoṛko tahẽkana.

¹² Mõṛẽakʼ gulibãṭre do Nathanielakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹³ Turuiyakʼ gulibãṭre do Bukiyakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹⁴ Eaeyakʼ gulibãṭre do Jisarelakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹⁵ Irạlakʼ gulibãṭre do Jisayahowakʼ ńutum rakapʼena; uni ar uniren hoponko ar peṛa pạrbhạko do gelbar goṭenko tahẽkana.

¹⁶ Areakʼ gulibãṭre do Mottoniạwakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹⁷ Gelakʼ gulibãṭre do Simiyiwakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹⁸ Gelmitʼakʼ gulibãṭre do Asarelakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

¹⁹ Gelbarakʼ gulibãṭre do Hosbiạwakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁰ Gelpeakʼ gulibãṭre do Sobuyelakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²¹ Gelponakʼ gulibãṭre do Mottothiạwakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²² Gel mõṛẽakʼ gulibãṭre do Jiromotakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²³ Gel turuiyakʼ gulibãṭre do Honaniạwakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana,

²⁴ Gel eaeyakʼ gulibãṭre do Josbokasakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁵ Gel irạlakʼ gulibãṭre do Honaniakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁶ Gel areakʼ gulibãṭre do Mollothiakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁷ Bargelakʼ gulibãṭre do Eliathorakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁸ Bargel mitʼakʼ gulibãṭre do Hothiakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

²⁹ Bargel barakʼ gulibãṭre do Giddolotiakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

³⁰ Bargel tesarakʼ gulibãṭre do Mohosiạtakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.

³¹ Ar bargel ponakʼ gulibãṭre do Romamoti- Esorakʼ ńutum rakapʼena; uni ar uniren hoponko ar peṛa pạrbhạkote gelbar hoṛko tahẽkana.