1 Bõsbudạ 2 - সান্তালী বাইবেল

Israelren hoponko

¹ Israelren hoponko doko hoyokʼkana, Ruben, Simeon, Liwi, Jihudạ, Isakar, Sebulon ar sebulon,

² Dan, Joseph, Benjamin, Napthali, Gad ar Aser.

Jihudạwakʼ bõsbudạ.

³ Jihudạren hoponko doko hoyokʼkana Onan, Er, Sela. Noko pe hoṛ do Batsuawakʼ kukhiren hoponko tahẽkana. Bathsua do mitʼṭen Kanani maejiue tahẽkana. Niạ ńutuman Jihudạren maraṅicʼ hopon do Probhu Isorakʼ mẽtʼre bạṛicʼ hoṛe tahẽkante uni doe gocʼledea.

⁴ Jihudạ hoponren bạhu Tamorakʼ kukhire Jihudạren hopon Peres ar Serehowakʼ janam hoylena. Jihudạren do jotote mõṛẽ goṭen hoponko tahẽkantaea.

⁵ Pereshren hopon dokin hoyokʼkana Hesron ar Hamul.

⁶ Serehoren hoponko doko hoyokʼkana, Simri, Ethon, Hemon, Kolkul ar Dara. Noko do jotote mõṛẽ hoṛko tahẽkana.

⁷ Simriren goṛomtetʼ koṛa metakʼme Karmiren hopon Akhon, one uniyakʼ ar mitʼṭen ńutum do Akor tahẽkantae, uni do maraokʼ lạgitʼ ṭhik dohoakatʼ jinise hataoletʼte Israel cetanre muhine ạguleda.

⁸ Ethonren mitʼṭen hoponakʼ ńutum do Asoriạ tahẽkana.

Dạud rajakʼ bõsbudạ

⁹ Hesronren hoponko doko hoyokʼkana Jirhomel, Ram ar Kalubae.

¹⁰ Ramren hopon doe hoyokʼkana Amminadab. Ar Amminadabren hopon do Nahoson; uni do Jihudạ gusṭiren mukhiyại tahẽkana.

¹¹ Nahosonren hopon Solmon ar Solmonren hopon do Boas;

¹² Boasren hopon do Obed ar Obedren hopon do Jisại.

¹³ Jisạiren maraṅicʼ hopon do Eliab, dosaricʼ do Abinadab, tesaricʼ do Sommo,

¹⁴ Ponicʼ do Nathanel, mõṛẽyicʼ Roddoy,

¹⁵ Turuyicʼ do Otsom ar eaeyicʼ do Dạud.

¹⁶ Onkoren miserako dokin hoyokʼkana Serua ar Abigol. Abisae, Joab ar Asahal noko do Seruaren hoponko tahẽkana.

¹⁷ Abigol do Amasaren eṅgattetʼe tahẽkana, ar Ismaelren Jethor do Amasaren apate tahẽkana.

Hesronren bõsko

¹⁸ Hesronren hopontetʼ Kalubaeren bạhu Asubawakʼ kukhire ar Jiriyotakʼ kukhire gidrạkoko hoylena. Asubaren hoponko doko hoyokʼkana Jesor, Sobab ar Ardon.

¹⁹ Asubae gocʼen khan Kalubae do Ephrathae baplakedea. Ephratawakʼ kukhire do Hure janamlena.

²⁰ Hurren hopon Uri ar Uriren hopon Bothsolel.

²¹ Tayomte Hesron do turuigel bochor umerre Makerren hoponera, metakʼme Gileadren miserae baplakedete uni ṭhene boloyena. Ar uni bạhuttetʼakʼ kukhire do Sogube janamena.

^22-23 Sogubren hopontetʼakʼ ńutum do Jayir. Ar Sogub ar Jayir do Gileadren apattetʼ Maker bõsren hoṛe tahẽkana. Gilead ṭoṭhare Jayirakʼ tabere bargel pe goṭecʼ ato tahẽkana. Menkhan Gesur ar Aram do hecʼkate Hobbot Jayir, Konat ar ona aḍepase reakʼ atoko, metakʼme turuigel atokin ạidạriyana.

²⁴ Hesron do Kaleb-Ephratareye gocʼen khan uniren bạhuttetʼakʼ kukhire uniren hopon Asuhure janamena. Asuhur do Takoe ńutuman mitʼṭecʼ atoye benao rakapʼleda.

Jirhomelren bõsko

²⁵ Hesronre maraṅicʼ hopon Jirhomelren maraṅicʼ koṛawakʼ ńutum do Ram tahẽkantaea; uni tayom do Buna, Oron, Otsom ar Ahiyawakʼ janam hoylena.

²⁶ Atara ńutuman Jirhomelren ar mitʼṭen bạhui tahẽkantaea. Ar uniren hopontetʼakʼ ńutum do Onom tahẽkana.

²⁷ Jirhomelren maraṅicʼ hopon Ramren hoponko doko hoyokʼkana Mas, Jamin ar Ekor.

²⁸ Onomren hopon dokin hoyokʼkana Sommoy ar Jada. Sommoyren hopon dokin hoyokʼkana Nadab ar Abisur.

²⁹ Abisurren bạhuttetʼakʼ ńutum do Abihoyel tahẽkana. Uniyakʼ kukhire do Ahban ar Moliwakʼ janam hoylena.

³⁰ Nadabren hoponko doko hoyokʼkana Selod ar Appoyim. Selod do begor gidrạwantegeye gocʼena.

³¹ Appoyimren hopon Jishi, Jishiren hopon Seson ar Sesonren hopon Aholoi.

³² Sommoyren boeha Jadaren hopon dokin hoyokʼkana Jethor ar Jonathan. Jethor do begor gidrạwantegeye gocʼena.

³³ Jonathanre hopon dokin hoyokʼkana Pelot ar Sasa. Nokin do Jirhomel bõsrenkin tahẽkana.

³⁴ Sesonren do eken hoponerat motoe tahẽkana, jãhãe koṛa hopon do bako tahẽkantaea. Uniren do Jarha ńutuman mitʼṭen Misorren gutiye tahẽkana.

³⁵ Seson do acʼren guti Jarha sãote acʼren hoponerae baplakedea ar uni hoponerawakʼ kukhire do Attaye janamena.

³⁶ Attayren hopon do Nathan, ar Nathanren hopon Sabod,

³⁷ Sabodren hopon do Ephlol, ar Ephlolren hopon do Obed,

³⁸ Obedren hopon do Jehu, ar Jehuren hopon do Asariạ,

³⁹ Asariạren hopon do Helos, ar Helosren hopon do Eliyasa,

⁴⁰ Eliyasaren hopon do Sismoy, ar Sismoyren hopon do Elisama.

⁴¹ Sollumren hopon Jikomiạ ar Jikomiạren hopon do Elisama.

Kalubaeren eṭakʼ bõsko

⁴² Jirhomelren boeha Kalubaeren hoponko modre Mesa do maraṅicʼe tahẽkana. Mesare hopon do Ship, ar Shipren hopon do Maresha ar Maresharen hopon do Hebron.

⁴³ Hebronren hopon doko hoyokʼkana Koroho, Topuho, Rekom ar Sema.

^44-45 Semaren hopon do Rehom, Rehomren hopon do Jorkiyom. Rekomren hopon do Sommoy, ar Sommoyren hopon do Mayon ar Mayonren hopon do Beth-sur.

⁴⁶ Kalubaeren chuṭki era Oiphawakʼ kukhire do Haron, Mothsa ar Gasesakʼ janam hoylena. Haronren hopontetʼakʼ ńutum hõ Gases doholena.

⁴⁷ Jehodoyren hoponko doko hoyokʼkana Regom, Jothom, Geson, Pelot, Oipha ar Shaph.

^48-49 Kalubaeren chuṭki era Makhawakʼ kukhire do Seber, Tirhon, Shap ar Sibawakʼ janam hoylena. Shap do Modmona ńutuman mitʼṭecʼ atoye benaoleda ar Seba do Mokbena ar Gibia atokine benaoleda. Kalebren hoponerawakʼ ńutum do Aksha tahẽkantaea.

⁵⁰ Niạge hoyena Kalebakʼ bõs reakʼ katha: Ephratharen maraṅicʼ hopontetʼ Hurren hopon doko hoyokʼkana Sobal, Solom ar Hareph. Sobal do Kiriat-Jiarim ńutuman mitʼṭecʼ atoye benao rakapʼleda;

⁵¹ Ar Solom do Bethlehem atoe benaoleda ar Hareph doe benaoleda Beth-Gader ato.

^52-53 Kiria-Jiarim okoeko benao rakapʼletʼ onko Sobal bõsren hoṛko doko hoyokʼkana Horoa, Monuhotiaren adha hoṛko ar Kiriat-Jiarimren hoṛko. Kiriat-Jiarimren hoṛko doko hoyokʼkana Jitriyo, Puthiyo, Sumathiyo ar Misrasiyoko. Ar noko khon Sorathiyo ar Esṭayelio bõsko benaolena.

^54-55 Solom bõsren hoṛko doko hoyokʼkana Bethlehemren hoṛko, Notophotiko, Oṭot-Beth-Joaber hoṛko, Monhotiạren adha hoṛko, Sorayiko ar Jabesre girobasokʼkan olokʼko, metakʼme Tiriyathiko, Simiyạthiko ar Sukhathiko. Noko doko tahẽkana Kiniạko okoe do Rekhobiạkoren hapṛam Hamat bõsren hoṛko tahẽkan.