Loen 98 - LAWA A BOO SONBORE 2011

Lawa lɛ n kii lɛa. A din na a zaman kirisibiɛ

¹ Ka loe dii lɔ Dɛnaa Lawa nɛ, a giala, á sii sonboren zɛnaa. A din nə gɔ̀lɔ̀ lɛa a zɔ́ɔn la, a gɔn sonbore kɛ pàã ganaa.

² Dɛnaa Lawa nyaa kanaa tumaa yɔrɔ-a, mà asɛ din nə wɔ kirisibaali lɛa, á ná a peperebaa nyaa.

³ Á n yiri koa a din a kɔn-narɛɛ gole kɛ nɛ, ká a bǐɛ̃ duduu kɛ nɛ, Izirayeli tɔrɔ minin wɔ paǹ li. Á wo kanaa paǹ tumaa yaa, min tumaa yɛ, mà Lawa n wɔ kirisibaali lɛa.

⁴ Kanaa minin lɛn, ka tumaa foo kɔɔ̃nbaa ǹ fòo da Dɛnaa Lawa nɛ, ka n lɛn saa, ka loe lɔ ka foo kɔɔ̃n nɛ, ka kaa bɛ̀ dɛ ǹ mànan wuu bɔ.

⁵ Ka loe lɔ, ka tùtu dɛ Dɛnaa Lawa nɛ, ka tùtu dɛ ka màn kɔsɔn wuu lɔlɔ a ganaa.

⁶ Ka fɔlɔ pìi pɛ, ka bɛn nɛ, ka n lɛ dɛ, ka n nyɛnyɛɛ Dɛnaa Lawa yɔrɔ-a, wɔa kii lɛ.

⁷ Yìsi mu laanka a gɔ́ɔ̃gɔ́ɔ̃ ǹ mànan nə bìn da, tán dɔ laanka a wɔn nə zɛnaa miɛ̃.

⁸ Tà mun nə n gɔn dɛ, kelen dɔn nə n kaa kunun ǹ ni, ǹ loe lɔ ka foo kɔɔ̃n nɛ,

⁹ Dɛnaa Lawa lɛ yɔrɔ-a, a giala mà á die. A n die, a kiibaa koɛ kanaa kɛ nɛ. A kiri wɔ kanaa minin ganaa ka peperebaa nɛ, a n zɛnɛɛ a kɔnpɛ ka sonbore ne.