KZS1 24 - LAWA A BOO SONBORE 2011

Lawa a wúlu-bɔlen kuru

¹ Aarɔn a nɛgiĩn lɛn kurun nə́ ke: Nadaabu ni, Abiu ni, Eleyazaara nɛ ka Itamaara nɛ.

² Nadaabu laanka Abiu gã ǹ di nyɛɛnɛ ǹ nə́ ǹ tɔn nɛ yɛ wa. Eleyazaara laanka Itamaara, bɛn sɛn maǹ nə́ goã wúlu bɔ ǹ dí lɛ nyɛɛ.

³ Davida laanka Eleyazaara a nɛ Sadɔki ka Itamaara a nɛ Akiimelɛki ni, ǹ nə́ Lawa a wúlu-bɔlen lɛn nanakɔn kuru yii li á kɔnpɛ ka ǹ nya ǹ dí ni.

⁴ Sɛnɛ kɛdɛnan tá mɔnaa nɛ Eleyazaara tɔrɔn li á la Itamaara wɔn nɛ. Ǹ na kɔn-a ǹ gɔn nə́ ke: Kɛdɛnaa kuru fulusɔrɔ Eleyazaara tɔrɔn wɔ lɛa, kɛdɛnaa kuru kiwisi Itamaara tɔrɔn wɔ lɛa.

⁵ Maǹ nə́ n pã ǹ nə́ bɛa kurun lɛn koa. A giala, Eleyazaara laanka Itamaara tɔrɔn lɛn bii, Lawa a kion sonbore a dí-nyalin kiãn tan ka Lawa a dí-nyalin kiãn nɛ.

⁶ Netaneyeli a nɛ Semayia mɛn bɛ́ Levii tɔrɔ sɛ́wɔ-kiɛ̃li lɛa, á ǹ tɔn kiɛ̃ kii yii ni, kiãn nɛ, Lawa a wúlu-bɔle Sadɔki ni, Abiataara a nɛ Akiimelɛki ni, Lawa wúlu-bɔlen kɛdɛnan nɛ, ka *Levii tɔrɔn nɛ. Maǹ nə n piɛ̃ gunyin paa kɔn kio Eleyazaara tɔrɔ wɔ lɛa, ǹ tɔn nə pã gunyin goon Itamaara tɔrɔn wɔ lɛa.

⁷ Piɛ̃ lɛ a binaa na á goã Zozaaribu wɔ lɛa. A paabaa ǹ wɔ na goã Yedaya wɔ lɛa,

⁸ a sɔɔbaa ǹ wɔ na á goã Harimu wɔ lɛa, a siibaa ǹ wɔ na á goã Sewarimu wɔ lɛa,

⁹ a soorobaa ǹ wɔ na á goã Malkia wɔ lɛa, a sɔrɔbaa ǹ wɔ na á goã Miyamini wɔ lɛa,

¹⁰ a sɔbaabaa ǹ wɔ na á goã Akɔsi wɔ lɛa, a kiwisibaa ǹ wɔ na á goã Abiya wɔ lɛa,

¹¹ a manangɔrɔbaa ǹ wɔ na á goa Yesuwa wɔ lɛa, a fùbaa ǹ wɔ na á goã Sekania wɔ lɛa,

¹² a fulugoonbaa ǹ wɔ na á goã Eliakibu wɔ lɛa, a fulupaabaa ǹ wɔ na á goã Yakimu wɔ lɛa,

¹³ a fulusɔɔbaa ǹ wɔ na á goã Hupaa wɔ lɛa, a fulusiibaa ǹ wɔ na á goã Yekebaabu wɔ lɛa,

¹⁴ a fulusoorobaa ǹ wɔ na á goã Biligaa wɔ lɛa, a fulusɔrɔbaa ǹ wɔ na á goã Imɛɛrɛ wɔ lɛa,

¹⁵ a fulusɔbaabaa ǹ wɔ na á goa Heziiri wɔ lɛa, a fulukiwisibaa ǹ wɔ na á goã Hapisɛɛsi wɔ lɛa,

¹⁶ a fulumanangɔrɔbaa ǹ wɔ na á goã Petayia wɔ lia, a fuəbaa ǹ wɔ na á goã Ezekieli wɔ lɛa,

¹⁷ a fuəwengoonbaa ǹ wɔ na á goã Yakinu wɔ lɛa, a fuəwenpaabaa ǹ wɔ na á goã Gamuuli wɔ lɛa,

¹⁸ a fuəwensɔɔbaa ǹ wɔ na á goã Delazaa wɔ lɛa, fuəwensiibaa ǹ wɔ na á goã Maaziya wɔ lɛa.

¹⁹ Dɛnaa Lawa, Izirayeli a Lawa landan mɛnɛn nyaa ǹ di Aarɔn nɛ, Davida pɛ ǹ nɛ mà ǹ nə ǹ dí nya Dɛnaa Lawa a kion a kɔnpɛ ka bɛn lɛn nɛ.

Levii tɔrɔ kɔsɔn kɛn

²⁰ Levii a nɛnyaanan mɛnɛn nə goã bii a bɛn nə́ ke: Amuramu a nɛgiĩn bii: Subayeli ni. Subayeli wɔn bii: Yedia nɛ.

²¹ Rehabia a nɛn bii: Isia nɛ, a din ni kɛdɛnaa lɛa Sumu-n.

²² Isaara a nɛn bii: Selomɔti ni. Selomɔti wɔn bii: Yaati ni.

²³ Ebrɔn a nɛn: Yeria n bibinaa nɛ, Amariya na a paabaa ǹ wɔ lɛa, Yahaziyɛli na a sɔɔbaa ǹ wɔ lɛa, Yakamamu na a siibaa ǹ wɔ lɛa.

²⁴ Uziili a nɛn: Mikaa nɛ. Mikaa a nɛn bii: Samiiri ni.

²⁵ Mikaa ǹ dɔɔ̃n Isia a nɛn bii: Zakarii ni.

²⁶ Merarii a nɛn: Mali ni, Musii ni ka Yazia nɛ.

²⁷ Merarii a nɔ̀ɔnɔn, Yazia nɛn lɛa. Sohamu ni, Zakuuru ni ka Ibri ni.

²⁸ Mali a nɛn: Eleyazaara nɛ, a nɛgiĩ yɛ wa,

²⁹ ka Kiisi ni, bɛa nɛ n goon: Yerameyeli.

³⁰ Musi a nɛn: Mali ni, Edɛrɛ nɛ ka Yerimɔti ni. Bɛa giĩn kɛn lɛn tumaa n Levii tɔrɔn lɛa. Ǹ gogoonmaa na a din a Kɛdɛnaa lɛa.

³¹ Ǹ dɔn man nə́ n pã ǹ dí lɛ a nya ǹ gɔn ganaa, ka ǹ dɔɔ̃nɔn Aarɔn tɔrɔn kɛn wɔ bɛ́ lɔn kii Davida yii ni, Sadɔki ni ka Akiimelɛki ni, kɛdɛnan nɛ, Lawa a wúlu-bɔlen ne ka Levii tɔrɔn nɛ. Ka bɛ nɛ, nɛgiĩ goledɛnaa a sumu nə n kuĩ ka nɛgiĩ kiɛrɛdɛnaa wɔ bɛ́ lɔn.