Kawkanta 23 - Hay halitá nin Diyos hay kawkanta boy kawkahalita-an (The New Testament Psalms and Proverbs)

Hay Pangino-on ay bilang ha pastol

(Kanta ni Dabid)

¹ Hay Pangino-on ay bilang ha pastol ya ampangasiwà kongko; kayà kaganawan angka-ilanganen ko ay an-igwà na kongko.

² Hiko ay kowinta anggitan nan ipastol boy ipa-inawa ha kowinta pagpastolan ya ma-in hariwà ya dikot; anggitan na ko et ha kowinta ma-in maganday lanom.

³ Ambiyan na kon bayoy kakhawan, boy an-itoto na ko ha tamà ya daan emen ako mag-in mahampat; ha ombayro, hay ngalan na ay maparangalan.

⁴ Maski hay pagdanan ko ay mareglem ya bilang ha kamatyan ay agko angkalimo ta hika, Pangino-on, ya kalamo ko! Hay kowinta baston mo boy kowinta garoti mo ay ampangitoto kongko boy ampambin dipinsa kongko; kayà maliga ko.

⁵ Angkakit nin kawka-away ko ya pawpanganga-ilangan koy an-igwà mo kongko. Hay olo ko ay kowinta pinonahan mo nin asiti ha katowa-an mon nananggap kongko. Talagan agko ampagkakolang ha pawpanganga-ilangan ko.

⁶ Kayà angkasigoro ko ya hay kahampatan mo boy panlalabi mo ay anti kongko nin leleg biyay ko, boy hiko ay anti komo anggan makakanoman.