Саалтыр 25 - Сибэтиэй Биибилийэ кинигэлэрэ

1 Давид псалома.

¹ Давид псалома. Айыы Тойон, мин кырдьыкпын таһаар; мин эҥкилэ суох көнө суолунан сылдьарым, Айыы Тойоҥҥо, халбаҥнаабакка, эрэнэрим.

² Холоон көр миигин, Айыы Тойон, тургутан көр, ис дууһабын, сүрэхпин чинчийэн көр.

³ Мин өрүү Эн бигэ тапталгын көрөрүм, Эн кырдьыккынан сирдэтэрим.

⁴ Сымыйаччылары кытта сэргэстэһэ олорсубатаҕым, кубулҕаттары кытта куодарыспатаҕым;

⁵ куһаҕан санаалаахтар сугулааннарын абааһы көрөбүн, нэгэйдэри кытта кэккэлэһэ олоруом суоҕа.

⁶ Буруйа суохпун туоһулаан, мин илиибин суунабын уонна, Айыы Тойон, Эн сиэртибэнньиккин эргийэ хаамабын;

⁷ махтал ырыатын Эйиэхэ дьиэрэччи ыллыыбын, Эн бары сөҕүмэр дьиктигин кэпсиибин.

⁸ Айыы Тойон, мин таптаатым Эн олорор Дьиэҕин, Эн кэрэмэн килбиэниҥ сатыылаабыт сирин.

⁹ Өлөрүмэ миигин аньыылаахтары кытары, өһөрүмэ олохпун хаанымсахтары кытары;

¹⁰ кинилэр хара дьайдаахтык быһыыланаллар, уҥа ытыстарынан тобус-толору бэрик ылаллар.

¹¹ Оттон мин омнуота суох көнө суоллаахпын; өрүһүй миигин, абыраа-аһын.

¹² Мин дэхси сиргэ үктэнэн турабын; улуу түмсүүгэ мин Айыы Тойону алгыаҕым.