Саалтыр 149 - Сибэтиэй Биибилийэ кинигэлэрэ

¹ Аллилуия. Ыллааҥ Айыы Тойоҥҥо саҥа ырыаны, айхаллааҥ Кинини сибэтиэйдэр түмсүүлэригэр.

² Үөрдүн-көттүн Израиль Бэйэтин Айааччытыттан; үөрдүннэр Сион уолаттара Ыраахтааҕыларыттан.

³ Үҥкүүнэн Кини аатын айхаллаатыннар; тимпан, лира доҕуһуолунан Киниэхэ ыллаатыннар.

⁴ Айыы Тойон норуотугар үтүөтүк сыһыаннаһар, кыайыыны бэлэхтээн, сэмэйдэри албан аатырдар.

⁵ Онон сибэтиэйдэр кэрэмэн килбиэҥҥэ өрөгөйдүөхтүннэр, оронноругар сытан үөрүөхтүннэр.

⁶ Таҥараҕа уруйу-айхалы уостарыттан түһэрбэтиннэр, икки биилээх кылыстарын илиилэриттэн араарбатыннар

⁷ норуоттартан иэстэһэр, омуктары уодьуганныыр туһугар,

⁸ кинилэр ыраахтааҕыларын сыабынан кэлгийэн, баһылыктарын хандалыга бохсон,

⁹ кинилэри, суруллубутун курдук, дьүүллүүр туһугар. Ол буолуо Кини бары сибэтиэйдэрэ тиксэр чиэстэрэ. Аллилуия.