Саалтыр 147 - Сибэтиэй Биибилийэ кинигэлэрэ

¹ Айхаллаа, Иерусалим, Айыы Тойону! Айхаллаа, Сион, Таҥараҕын!

² Кини эн олбуордарыҥ олуурдарын чиҥэтэр, эйиэхэ баар оҕолоргор алгыһын биэрэр.

³ Эн тиэргэҥҥэр или-эйэни чэчирэтэр, эйигин бастыҥ сэлиэһинэй бурдугунан аһатар.

⁴ Илдьит тылын сир устун ыытар; Кини тыла түргэнник тарҕанар.

⁵ Түүнү үргэҥнэтэрдии, Кини хаары түһэрэр, күлү күдээритэрдии, кырыаны ыһар;

⁶ толон тобураҕын таастыы тамныыр; ким тулуйуоҕай Кини тоһуттар тымныытын?

⁷ Кини этиэ эрэ кэрэх – тоҥ муус ууллар, тыалын соруйуо кэрэх, уу устубутунан барар.

⁸ Кини тылын-өһүн Иаковка иһитиннэрбитэ, сокуоннарын, уураахтарын Израильга биллэрбитэ.

⁹ Атын ханнык да норуокка ону биэрбэтэҕэ, атыттар Кини уураахтарын билбэттэр. Аллилуия.